Kwamamaza

Rwanda Day: Abanyarwanda mu nzira zerekeza i San Francisco (Amafoto)

Yanditswe kuya 23-09-2016 saa 11:02' na Mazimpaka Jean Pierre


Ntawashidikanya ko ku bibuga by’indege byo mu byerekezo bine by’Isi mu bihugu bitandukanye abanyarwanda banyuranyuranamo bashaka iyihuta yabageza i San Francisco bwangu ngo bazabashe kubona umwanya w’imbere kuri uyu wa Gatandatu.

Kuva mu ntangiriro z’iki Cyumweru, i Kigali ku Kibuga cy’Indege Mpuzamahanga, izirimo abagiye muri Rwanda Cultural Day zahagurukaga umusubirizo zerekeza mu nzira igana i San Francisco.

Kuri uyu wa Kane, Abanyarwanda barenga 60 biganjemo abacuruzi, berekeje i San Francisco aho bazahurira n’abandi yaba ababa mu bihugu bya Afurika, u Burayi, Aziya na Amerika.

Abaganiriye na IGIHE bari mu rugendo ubwo bari bageze ku kibuga cy’indege i Bruxelles mu Bubiligi bavuze ko bagiye muri Amerika kugaragariza amahanga ko umuco w’u Rwanda ari umutungo ukomeye, ibisubizo watanze ndetse no kungurana ibitekerezo n’abandi.

Abiganjemo abacuruzi bavuze ko kujya muri Rwanda Day ari amahirwe abafasha kumenya uko bakwagura ubucuruzi bwabo bigira kuri bagenzi babo baba mu mahanga.

Uyu munsi uba utegerejwe n’abantu b’ingeri zose, ibigo by’ubucuruzi bitanga serivisi zihariye ahanini hagamijwe gufasha aba baba bagiye mu yindi Ntara y’u Rwanda. Urugero ni nka MTN Rwanda yatangaje ko umuntu ushaka guhamagara muri Leta Zunze Ubumwe za Amerika kuri iyi nshuro aza kuba yishyura amafaranga 60 ku munota.

Ku kibuga cy'indege i Bruxelles mu Bubiligi
Mbere y’uko bakomeza urugendo, ku kibuga cy’indege mu Bubiligi babanje kuganira
Ambasaderi w’u Rwanda mu Burundi, Rugira Amandin (wa kabiri uturutse ibumoso) ni umwe mu Banyarwanda bagiye kuri uyu wa Kane

Mazimpaka Jean Pierre - Bruxelles


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved