RwandaDay 2019: Abanyarwanda bazasangizwa uko batunga inzu mu rwababyaye

Yanditswe na Iradukunda Serge
Kuya 7 Kanama 2019 saa 07:31
Yasuwe :
0 0

Sosiyete y’Ubwubatsi ikorera mu Rwanda, DND Developers Ltd, izasangiza Abanyarwanda bazitabiraRwanda Day 2019 izabera mu Budage amahirwe igihugu cyashyiriyeho abashoramari yatumye haharurwa inzira yabafasha kugura inzu zo mu masaziro yabo.

Kuva mu 2010 Abanyarwanda baba mu gihugu, mu mahanga n’inshuti zabo bafata umunsi wo guhura bakaganira ku iterambere ry’aho u Rwanda ruhagaze no kurebera hamwe icyarushaho kuruganisha aheza.

Rwanda Day ni umwanya mwiza wo kwagura ishoramari ry’abanyamahanga bagana u Rwanda cyangwa Abanyarwanda bayishora hanze. Muri uyu mwaka izabera mu Mujyi wa Bonn mu Budage.

DND ni ishoramari rijyanye n’imyubakire ryashinze imizi ryubakiye kuri politiki y’igihugu yo kureshya no korohereza abashoramari bo hanze gukorera mu Rwanda.

Iki kigo kimaze imyaka ine gikora mu bushabitsi bwo kugurisha inzu mu Rwanda, cyafashije benshi kubona aho kuba heza kandi hajyanye n’igihe.

DND yiyemeje guteza imbere u Rwanda ibinyujije mu guhindura ibijyanye n’imiturire, imaze kubaka inzu nyinshi zigerekeranye kandi zihendutse ziri i Nyarutarama mu Karere ka Gasabo.

Umuyobozi Mukuru wa DND Developers Ltd, Eng. Daniel Mehari, yabwiye IGIHE ko bitakiri inzozi kuba umuntu yagura inzu i Nyarutarama, agace gafatwa nk’ak’abaherwe.

Yagize ati “Dukorera mu gace ka mbere keza ko guturamo muri Kigali ariko Nyarutarama. Twishimira ko kuva twatangira kuhakorera twahinduye imitekerereze y’abantu kuko buri wese yatekerezaga ko inzu z’i Nyarutarama zihenze cyane ariko twabashije kubaka inzu nziza zigezweho ku giciro kiri munsi ya $100 000.”

Yavuze ko nibura inzu isanzwe muri aka gace uyishaka yayubaka cyangwa akayigura kuri miliyoni zirenga 150Frw.

Ati “Twagerageje kugabanya ikiguzi uko bishoboka kandi inzu zacu zishushe mu buryo bwihariye. Twifuza kuzana impinduka mu birebana n’imiturire.”

Aya mahirwe yo kubona inzu i Nyarutarama ari mu byo ubuyobozi bwa DND buzasangiza abazitabiraRwanda Day ku wa 24 Kanama 2019.

Eng. Mehari yakomeje avuga ko “Nibura 80% y’abakiliya bacu ni Abanyarwanda baba mu mahanga mu gihe isoko ry’imbere mu gihugu rifite 20%. Buri gihe tubonana na bo iyo hari igikorwa cyateguwe hanze y’u Rwanda ndetse muri uyu mwaka tuzitabira Rwanda Day izabera mu Budage; tuzamurika ibikorwa byacu kugira ngo dufashe n’abakeneye kugura inzu mu gihugu cy’ababyaye kumenya inzira banyuramo.”

Mu butumwa bwa DND kandi izerekana ko u Rwanda rwahaye abanyamahanga amahirwe yo gushora imari rwiteguye kwakirana na yombi abana barwo.

Ati “Tuzabibutsa ko mu Rwanda ari mu rugo bakwiye kuza bakahashora imari kuko hari ubuzima bwiza no gukorera mu mucyo.”

Ku Mugabane w’u Burayi kandi DND izitabira imurikagurisha ryiswe Diaspora Property Road Show rizabera i Londres mu Bwongereza ku wa 30-31 Kanama 2019, aho izasobanura ibijyanye n’imiturire.

Inyigo y’Ikigo cy’Igihugu cy’Imiturire (RHA) igaragaza ko hakenewe inzu ziciriritse 560 000 bitarenze 2020, zizafasha Abanyarwanda 35% kuba batujwe neza mu mijyi.

Izi nzu biteganyijwe ko zizaba zishobora guturwamo n’abantu bahembwa umushahara uri hagati ya 50 000 Frw na 900 000 Frw ku kwezi. Izo nzu z’ibyumba bibiri cyangwa bitatu ntizizarenza miliyoni 30 Frw.

DND imaze gushora arenga miliyoni $2 mu mishinga yo kubaka inzu nziza zo guturamo ku giciro cyiza.

Iyi sosiyete yubatse ibyiciro bibiri birimo icya mbere aho inzu zose 10 zaguzwe n’icya kabiri cyari kigizwe na 12 zigiye kurangira (80%).

Kuva muri Gashyantare 2019, DND yatangiye kubaka icyiciro cya gatatu kigizwe n’inzu 23 biteganyijwe ko kizatahwa mu ntangiriro za 2020. Kuri ubu imirimo yo kuzubaka igeze ku kigero cya 70%.

Izi nzu zirimo iz’ibyumba bitatu n’inini (villas) zifite ibyumba bine, ubusitani n’aho kwidagadurira, zizagurishwa guhera kuri miliyoni 90 Frw. Kuva zitangiye kubakwa zatangiye kwishyurwa, ubu zimwe zaraguzwe.

DND Developers Ltd iri kubaka icyiciro cya gatatu cy'inzu zo guturamo
Abanyarwanda baba mu mahanga bazasangizwa uko bakoroherwa no kugura inzu zigezweho i Nyarutarama mu Mujyi wa Kigali
Izi nzu ziba zifite ibikoresho byose bikenerwa
Inzu zo mu cyiciro cya gatatu zirimo n'izizaba zifite ubusitani bwo kwidagaduriramo
Inzu zose zubatswe mu byiciro bibiri bibanza zaraguzwe hafi ya zose
Mu nzu ziri kubakwa harimo izamaze kugurwa
Inzu nshya ziri kubakwa zizatahwa mu ntangiriro za 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza