Kwamamaza

Minisitiri Busingye yafunguye icyicaro gishya cya polisi mu Ntara y’Iburasirazuba

Yanditswe kuya 13-10-2016 saa 16:36' na Jean Pierre Tuyisenge


Minisitiri w’Ubutabera akaba n’Intumwa Nkuru ya Leta y’u Rwanda,Johnston Busingye, yasabye inzego za Polisi n’iz’ubutegetsi bwite bwa Leta gukomeza imikoranire kugira ngo ibikorwa by’iterambere birusheho kwihuta.

Minisitiri Busingye ubwo yari mu muhango wo gutaha ku mugaragaro icyicaro gishya cya Polisi mu Ntara y’Iburasirazuba kuri uyu wa Kane tariki ya 13 Ukwakira 2016, yavuze ko iyo umuyobozi w’Akarere cyangwa Sitasiyo ya Polisi ikorera ahantu habi nta gaciro bihesha abanyarwanda.

Yagize ati “ Imiyoborere yitwa imiyoborere iyo buri wese yayigizemo uruhare, ntabwo abaturage bishima iyo bagana Sitasiyo ya Polisi yubatse nabi, ni byiza ko niba bagana urwego rw’ubutegetsi bigaragara ko ari urwego rw’ubutegetsi koko.”

Minisitiri Busingye yavuze ko inyubako yuzuye ari icyicaro nyakuri cy’aho abaturage bazajya basanga abayobozi bagana.

Icyicaro gishya cya Polisi mu Ntara y’Iburasirazuba

Umunyamabanga Nshingwabikorwa w’Intara y’Iburasirazuba, Makombe Jean Marie Vianney, nawe yagarutse ku kamaro iyo nyubako izagirira abaturage b’iyi ntara, avuga ko izabafasha gukurikirana ibyaha.

Ati “ Muri iyi ntara hakunze kugaragara ibyaha byo gucuruza no gukoresha ibiyobyabwenge, bikaba intandaro y’ihungabana ry’umutekano w’abaturage n’ibindi bikagenda byuririraho,harimo gukubita no gufata ku ngufu. Birumvikana rero ko kubikurikirana bisaba ahantu hatuje iyi nyubako ikaba ije ari igisubizo”.

Mugabo Steven, Umuturage wo mu Murenge wa Kigabiro mu Karere Rwamagana yatangarije IGIHE ko iyi nyubako ije ari igisubizo kuko ngo bajyaga basanga polisi ahantu hato cyane.

Ati “Iyi nyubako ije twari tuyikeneye kuko bitewe n’uko Polisi yakoreraga ahantu hato wasangaga rimwe na rimwe izuba ryicira abantu hanze bategereje."

Iyi nyubako yubatse mu Karere ka Rwamagana, ni inzu igizwe n’igorofa imwe ikagira ibyumba 36 byo gukoreramo, ikazakoreramo icyicaro gikuru cya Polisi mu Ntara y’Iburasirazuba, Polisi y’Igihugu yo mu Karere ka Rwamagana n’iy’Umurenge wa Kigabiro, yuzuye itwaye amafaranga y’u Rwanda miliyoni 557,277,176.

Minisitiri Busingye yatashye ku mugaragaro inyubako nshya ya Polisi
Minisitiri w'Ubutabera Johnston Busingye yafunguye ku mugaragaro Icyicaro cya Polisi
Umuyobozi wa Polisi y'Igihugu, IGP Emmanuel K. Gasana (ibumoso) nawe yari yitabiriye uyu muhango

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved