Kwamamaza

Rwamagana: Imvura idasanzwe yasenye inzu 150 yangiza iby’agaciro ka miliyoni 15

Yanditswe kuya 2-11-2016 saa 21:36' na IGIHE


Imvura itunguranye yaguye mu Karere ka Rwamagana yasize benshi iheruheru, nyuma yo gusenya inzu zigera ku 150 ikangiza ibifite agaciro k’amafaranga y’u Rwanda asaga miliyoni 15.

Iyo mvura yaguye mu mugoroba wo kuwa Kabiri tariki ya 1 Ugushyingo, ikaba yasenye burundu inzu zimwe, izindi zirasambuka mu gihe izindi zo zasenyutse ibikuta bimwe.

Umwe mu basenyewe yatangarije Royal TV ko inzu ye yasenyutse hafi ya yose ku buryo atabona aho yikinga, ndetse n’ibikoresho yari afitemo bikangirika, ati “Insize iheruheru namwe murabibona, nta garuriro. Sinzabona uko mbigenza kuko nta n’amikoro mfite, nta bana ngira ngo baranyubakira, nta kenda (umwambaro), bimwe byagiye, udusafuriya twapondekaye n’ako ntetsemo ni ako mvuye gutira.”

Uwo mukecuru kimwe n’abandi baturage basenyewe n’iyo mvura, barasaba Leta kubagoboka, abasenyewe bya burundu bagashakirwa aho kwikinga abandi bagashakirwa isakaro, gusa ngo ubwo bufasha bw’ibanze bwanatangiye nk’uko byemezwa na Muberwa Jerome, umukozi wa MIDIMAR mu Karere ka Rwamagana.

Muberwa yagize ati “Twabaruye n’abaturage bashobora kuba bafite ibyangiritse mu nzu zabo, turabafashisha ibiringiti, ibibakure (ibisorori), hari n’abantu ba Croix Rouge b’abaterankunga badufasha, ariko na MIDIMAR ubwabo bafite ibiringiti, amasafuriya, ibikombe n’ibindi byose bibafasha mu nzu turabiteganya kandi abantu boise bahuye n’icyo kibazo turabafasha.”

Hagendewe ku mibare y’ibyo MIDIMAR imaze kubarura, hamaze gusenyuka inzu 150 zirimo iz’abaturage ndetse n’ibyumba by’amashuri, mu gihe agaciro k’ibyangiritse gakabakaba miliyoni 15.

Umwe mu baturage basenyewe n'imvura
Abaturage bamwe ntibafite aho kwikinga

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved