Rwamagana: Hagiye gufungurwa ikigo giteza imbere isuku n’isukura

Yanditswe na Mukaneza M.Ange
Kuya 4 Mata 2018 saa 07:40
Yasuwe :
1 0

Umuryango w’Abaholandi uharanira Iterambere (SNV), ku bufatanye n’Akarere ka Rwamagana, ugiye gufungura ikigo kigamije guteza imbere isuku n’isukura binyuze mu guha abaturage ubumenyi no kubegereza ibikoresho bakeneye.

Ikigo Rwamagana District Sanitation Centre kizatahwa ku mugaragaro tariki ya 5 Mata 2018, ni kimwe mu bikorwa by’umushinga ‘Isuku Iwacu’.

Umushinga Isuku Iwacu watangijwe na SNV ku bufatanye n’indi miryango itegamiye kuri leta irimo World Vision na Water for People ku nkunga y’Ikigega cya Leta Zunze Ubumwe za Amerika gishinzwe iterambere mpuzamahanga (USAID), ugamije gufasha abaturage kwegera serivisi z’isuku n’isukura ndetse bakabasha kubona ubumenyi n’ibikoresho bakeneye kugira ngo isuku n’isukura bigerweho mu ngo zabo.

Nk’uko ubuyobozi bwa SNV Rwanda bubitangaza, gufungura ibigo nk’ibi bizagera mu turere twose umushinga Isuku Iwacu ukoreramo aritwo Nyanza, Ruhango, Nyabihu, Ngoma, Nyarugenge na Kicukiro.

Ibyo bigo bizashyirwaho mu buryo bwo gushyigikira gahunda ya leta yatangijwe mu 2016, irebana no kurushaho kwegereza abaturage ibikoresho na serivisi z’isuku n’isukura.

Ibi bigo bizagenzurwa n’uturere, bizaba bigizwe n’ibice bitatu birimo ahazajya habera amahugurwa ku isuku n’isukura, ahazacururizwa ibikoresho bitandukanye na serivisi zirebana n’isuku ndetse n’igice kizajya kiberamo imurika.

Intego ihari ni ugufasha abagera ku bihumbi 300 muri buri karere ibi bigo bizubakwamo kunguka ubumenyi ku birebana no kurushaho kwita ku isuku ndetse no kubona ibikoresho bakeneye hafi yabo.

Ikigo giteza imbere isuku n'isukura cy'Akarere ka Rwamagana

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza