Rusizi: Umwaka ugiye gushira inyubako zo ku mupaka w’u Rwanda n’u Burundi zidindiye

Yanditswe na Sitio Ndoli
Kuya 18 Gicurasi 2017 saa 07:35
Yasuwe :
0 0

Abaturage bo mu Murenge wa Bweyeye mu karere ka Rusizi bari biteze kungukira ku iyubakwa ry’umupaka uhuza u Rwanda n’u Burundi, bavuga ko hashize amezi agera ku 10 imirimo idindiye.

Izi nyubako ziri hafi ku mupaka uhuza u Rwanda n’u Burundi ngo zari zitegerejweho iterambere ku batuye umurenge wa Bweyeye uri rwagati mu ishyamba rya Nyungwe.

Ngendahimana François ati “Bari batwemereye umupaka, nka Guverineri ubwo yaherukaga ino yatubwiraga ko ari umwaka umwe ukaba wuzuye ariko imirimo yarahagaze ntitwamenya uko bigenze.”

Nizeyimana Pauline ati“Uyu mupaka twari tuwukeneye hano byari kudufasha hakanaboneka urujya n’uruza, n’umuntu yacuruza ikintu kikagurwa. Turasaba ko umupaka wakuzura natwe iryo terambere rikatugeraho, Bweyeye yacu ikamenyekana.”

Guverineri w’Intara y’Iburengerazuba, Munyantwari Alphonse kubaka yizeza abaturage ba Bweyeye ko agiye kubakurikiranira aho ibintu byapfiriye.

Ati “Ni nzu zimaze kuzamurwa zarasakawe, aho zigeze ni mu mirimo yo gusoza, turaza kubaza kubacunga ariya masezerano aho bigeze ariko ntabwo dushidikanya zigomba kuzura zigakora akazi kazo.”

Umupaka wa Bweyeye uhuza u Rwanda n’u Burundi ku mugezi wa Ruhwa. Izi nzu zatangiye kubakwa muri Mutarama 2016. Abaturage bavuga ko kuva muri Nyakanga imirimo yahagaze.

Inyubako zo gukoreramo ku mupaka wa Bweyeye zigiye kuzuza umwaka zitacyubakwa

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244