Rusizi:Umutingito watumye igice cy’inzu y’ubucuruzi kigwira imodoka

Yanditswe na Kanamugire Emmanuel
Kuya 23 Nzeri 2016 saa 07:48
Yasuwe : XX
0

Mu masaha y’umugoroba wo kuri uyu wa 23 Nzeri, umutingito wumvikanye mu bice bitandukanye by’u Rwanda wangije igice cy’inzu y’ubucuruzi mu mujyi wa Kamembe cyahirimye kigwira imodoka yari iri hafi aho maze irangirika.

Iyi nzu yacururizwagamo na Jean Claude Gahunga uzwi ku izina rya Amani na ho nyiri iyi modoka yari ataramenyekana ubwo iyi nkuru yakorwaga.

Ku bw’amahirwe nta muntu wahitanywe n’iri sanganya, ariko abantu 10 bagejejwe mu bitaro bya Gihundwe barimo abana babiri bo mu murenge wa Kamembe bari muri koma, abagore batatu batwite bahungabanye n’anadi batanu bakomeretse.

Inzu zigera ku munani muri uyu Murenge na zo zangiritse ariko mu buryo budakomeye cyanekuko zagiye ziyasa.

Ibi bikimara kuba abantu bahise bakuka imitima basohoka mu nzu bakoreragamo n’abari mu isoko ryo muri aka gace basa n’abacitsemo igikuba.

Mu kagari ka Rugabano mu mudugudu wa Rurembo mu Murenge wa Nkanka, uyu mutingito wasenye urubaraza rw’inzu y’umuturage witwa Mukarugwiza Laurence naho iya Kamuzinzi Emmanuel na Nzabihimana Theoneste zisenyukaho igice gito.

Umutingito wari ku gipimo cya 5.7 uherutse kumvikana mu Rwanda, mu karere no mu bindi bihugu by’Isi tariki ya 10 Nzeri uyu mwaka, aho wangije bimwe mu bikorwa remezo ugahitana abagera 19 muri Tanzania.

Igice cy'inzu cyasenyutse kigwira imodoka irangirika
Imodoka yangiritse bikomeye
Abaturage bari bashungereye ahabereye iyi mpanuka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza