Rusizi: Umusaza wari urwaje umwana yiyahuriye mu kigo Nderabuzima

Yanditswe na Kanamugire Emmanuel
Kuya 4 Ukwakira 2016 saa 11:48
Yasuwe :
0 0

Bashimande Deo wo mu Kagari ka Mpinga mu murenge wa Gikundamvura yiyahuriye mu kigo Nderabuzima cya Gikundamvura kuri uyu wa mbere tariki ya 3 Ukwakira 2016.

Ubuyobozi bw’Ikigo Nderabuzima buvuga ko bwabimenye saa kumi n’ebyiri za mu gitondo bubibwiwe n’umuturage wabonye Bashimande yimanitse mu giti akoresheje umugozi wari uziritse umurwayi wo mu mutwe yari arwaje.

Umuyobozi w’iki kigo,Eugene Mbanda yavuze ko uyu wiyahuye yari afite umwana witwa Sibomana Jean de Dieu, urwaye mu mutwe, aziritse imigozi ariko uyu musaza aza kumuzitura kubera ko bari bagiye kumujyana ku bitaro bya Mibirizi.

Ati “Ni umusaza wari uharwarije umurwayi wo mu mutwe hanyuma biba ngombwa ko uwo murwayi bamwohereza ku bitaro. Mu gihe umwana yari aryamye, Bashimande Deo yamukuyemo imigozi yari imuziritse, ahita agenda ntitwamenya n’aho yagiye.”

“Mu gitondo umuturage yamubonye yimanitse mu giti, maze araza aratubwira. Twabimenyesheje inzego zibishinzwe harimo polisi n’umurenge baraza, umurambo bajya kuwukoraho iperereza mu bitaro bya Mibirizi.”

Mu gihe twakoraga iyi nkuru mu bitaro bya Mibirizi biherereye mu Murenge wa Gashonga bari bakiri gukora isuzuma ry’umurambo w’uyu musaza.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza