Kwamamaza

Rusizi: Umukobwa w’imyaka 19 afunzwe ashinjwa guta uruhinja mu musarane

Yanditswe kuya 22-11-2016 saa 19:43' na Ntakirutimana Deus


Umukobwa utuye mu Kagari ka Gatare, mu Murenge wa Nkungu ho mu karere ka Rusizi yatawe muri yombi nyuma yo guta uruhinja mu musarane.

Uwo mukobwa yabwiye inzego z’ibanze ko yabitewe n’umusore wamwizezaga ko bazabana akamutera inda ariko nyuma akamwigarika, amubwira ko atakwemeza neza ko uwo mwana ari uwe, agahitamo kuvanamo iyo nda umwana akamujunya mu musarane.

Uwo mwana ngo yari agajeje igihe cyo kuvuka nkuko ngo byemejwe n’abajyanama b’ubuzima bakurikiranye uwo mukobwa mu gihe cyose yari atwite, aho bemeje ko yashoboraga kuba afite amezi umunani cyangwa icyenda.

Umunyamabanga Nshingwabikorwa w’umurenge wa Nkungu, Nsenyiyumva Vincent de Paul yavuze ko bamenye ayo makuru ubwo bagezwagaho ikibazo n’umuryango w’uwo mukobwa bataka ko bamubuze ku Cyumweru tariki ya 20 Ugushyingo 2016.

Nsengiyumva yavuze ko batangiye kumushaka, ku wa Mbere bakaza kumubona akabaha amakuru atandukanye kuri icyo kibazo.

Umurambo w’urwo ruhinja wavanywe mu musarane urashyingurwa.
Nsengiyumva yagiriye ababyeyi kugaruka ku burere bw’abana babo kuko bashobora gushukwa cyangwa bakishuka, cyane babitewe n’igihe bagezemo.

Bibukijwe kandi ko mu gihe umukobwa yatwaye inda itifuzwa bagomba kumufasha, ntibamubwire nabi, ahubwo bakamufasha kwiyakira kugeza abyaye kuko nyuma yaho ubuzima bukomeza.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved