Rusizi: Umugabo w’imyaka 54 yitabye Imana aguye mu bwiherero bw’akabari

Yanditswe na Sitio Ndoli
Kuya 22 Ukwakira 2017 saa 07:04
Yasuwe :
0 0

Umugabo witwa Ndibwami Joseph, w’imyaka 54 yitabye Imana ku mugoroba wo kuri uyu wa Gatandatu mu Murenge wa Bugarama, aguye mu bwiherero bw’akabari yanyweragamo inzoga.

Mu mudugudu wa Mahoro, Akagari ka Ryankana, mu Murenge wa Bugarama, ni ho ibi byabereye ahagana saa kumi n’igice zo ku wa Gatandatu tariki ya 21 Ukwakira 2017.

Uyu mugabo ngo yagiye mu kabari asangira inzoga na mugenzi we, ariko zimugwa nabi asohoka agiye mu bwiherero ntiyagaruka barebye basanga yapfuye nk’uko byemezwa n’Umunyamabanga Nshingwabikorwa w’Umurenge wa Bugarama, Gervais Ntivuguruzwa.

Yagize ati “Ni umugabo wari uri mu kabari avuye guhinga asangira inzoga n’umuntu yari agiye kureba ariko aza kugubwa nabi ajya kuruka muri bwiherero ahita anapfa.”

Ntivuguruzwa akomeza avuga ko nta yandi makuru baramenya ariko umurambo bakaba bawujyanye mu bitaro bya Gihundwe kugira ngo akorerwe isuzuma hamenyekane icyamwishe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza