Kwamamaza

Rusizi: Koperative y’abacuruzi ba caguwa mu marembera ku bw’imisoro ihanitse

Yanditswe kuya 7-09-2016 saa 17:09' na Sitio Ndoli


Abanyamuryango ba koperative Inyemeramihigo icuruza imyenda ya caguwa mu isoko rya Rusizi,baravuga ko koperative yabo yenda gusenyuka kubera izamuka ry’imisoro y’imyenda bacuruza.

Leta y’u Rwanda yafashe icyemezo cyo kuzamura imisoro inshuro 25 ku myenda n’inkweto bya caguwa mu rwego rwo guha agaciro ibikorerwa mu Rwanda.

Iki cyemezo cyatangiye gushyirwa mu bikorwa tariki ya 1 Nyakanga 2016 ngo cyagize ingaruka kuri koperative Inyemeramihigo yashinzwe ifite intego yo guteza imbere ubucuruzi bwa caguwa ariko ubu igiye gusenyuka.

Ibi ngo biterwa n’uko abanyamuryango bayo nta misanzu bagitanga biturutse ku kubura abakiriya kuko imisoro yatumye n’igiciro bacuruzagaho kizamuka.

Nshimiyimana Alphonse ati “Guca caguwa bishobora kuba ari icyemezo cyiza leta yafashe ariko tutari twamenya inkurikizi zacyo; gusa ni imbogamizi zikomeye. Abakire twaranguragaho bose bafashe inzira berekeza muri Congo, ubu ntitubona aho turangura ndetse no ku mupaka imisoro yarazamutse. Urumva rero nta kuntu koperative yacu itasenyuka.”

Ngendahimana Daniel na we yagize ati “Twagize ikibazo gikomeye cyo kubanza kubura imyenda ducuruza bituma abakiriya babura,ariko ahanini byaturutse ku misoro kuko najyaga muri Congo nkazana udupantaro.Ikiro nasoreraga amafaranga 500 ndagisorera 4000. Ubwo se urumva nzatanga umusanzu muri koperative? Twatangiye no gushaka uburyo twagabana umugabane buri wese afitemo.”

Aba bacuruzi bemeza ko abagera kuri 62 mu 116 muri iyi koperative bamaze kwandika basaba gusubizwa imigabane yabo nk’uko byasobanuwe na Niyomuhoza Nehemiah, perezida wayo.

Ati “Koperative imeze nk’iri mu marembera kubera ko Abanyamuryango bamaze gutatana, abari bafite ubushobozi bucye ntibagikora baratashye, tumaze igihe nta misanzu dutanga.”

Niyonzima Onesphore ushinzwe amakoperative mu Murenge wa Kamembe avuga bagiye gushaka igisubizo cyatuma iyi koperative idasenyuka.

Imyenda n’inkweto bya cuguwa biva i Burayi n’ahandi biba byarambawe nyuma bikoherezwa muri Afurika, bikaba byemezwa na benshi ko bishobora gutera indwara.

Abacuruza imyenda ya caguwa batangiye kunanirwa kubera izamurwa ry'imisoro yayo

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved