Kwamamaza

Rusizi : Isindwe rituma ashaka konsa umwana kandi afite ubwandu bwa SIDA

Yanditswe kuya 2-08-2016 saa 18:33' na Thamimu Hakizimana


SIDA ni indwara ihangayikishije Isi muri iyi minsi kubera ubuzima bwa benshi ikomeje guhitana. Mu myaka isaga 30 igaragaye, abasaga miliyoni 36 ku Isi barayirwaye.

Kuri ubu mu Rwanda abagera ku 23940 bandura virusi itera Sida buri mwaka.

Umuryango w’Abibumbye wihaye intego ko mu mwaka wa 2020, nibura 90% by’abayituye bazaba bipimishije, 90% by’abafite ubwandu bwa virusi itera SIDA bafata imiti.

SIDA ntigira umuti nta n’urukingo, ndetse isaba kwitwararika ku muntu uyirwaye.

Muhire (izina ryahinduwe) w’imyaka 26 y’amavuko utuye mu Kagari ka Kamashangi mu Murenge wa Kamembe, Akarere ka Rusizi, yabwiye IGIHE ko abangamirwa bikomeye n’uburyo umugore we adashaka kwitwararika, asinda agashaka ko bakora imibonano mpuzabitsina idakingiye ndetse no konsa umwana babyaranye kandi azi neza ko afite ubwandu bw’agakoko gatera SIDA.

Avuga ko umugore we babana mu buryo butemewe n’amategeko amaze imyaka igera kuri itatu amenye ko yanduye agakoko gatera Sida.

Yagize ati “ Namwe nimungire inama kuko njye nabuze icyo nakora, ndataha umugore agashaka ko turyamana nta gakingirizo nambaye kandi azi neza ko yanduye nabimwangira agashaka kumpima ngo yonse umwana kandi azi neza ko byatuma yandura.”

Akomeza agira ati “ Mbabazwa n’uko buri gihe iyo amaze kubona ko nanze ko turyamana nta gakingirizo dukoresheje agenda akiyahuza ibiyoga mu kabari akaza yasinze .”

Yemeza ko amaze icyumweru batabana mu rwego rwo kwirinda kwandura agakoko gatera SIDA ariko ngo ahangayikishijwe n’ubuzima bw’umwana we.

Inzobere mu by’ubuvuzi zemeza ko agakoko gatera Virusi ya Sida gashobora kwandurira mu matembabuzi n’amasohoro,amaraso ndetse n’amashereka.

Mu bihe byashize, hari bamwe mu babyeyi bafite ubwandu bw’agakoko gatera sida birindaga konsa abana babo kugira ngo batabanduza kuko mu mashereka habamo udukoko twa virusi itera SIDA.

SIDA yagaragaye bwa mbere mu mwaka wa 1983 muri Leta Zunze Ubumwe z’Amerika.

Atewe inkeke n'umugore ufite agakoko gatera SIDA ushaka ko baryamana badakoresheje agakingirizo

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved