Kwamamaza

Rusizi:Batandatu bafunzwe bakekwaho kurigisa miliyoni 58 Frws

Yanditswe kuya 7-11-2016 saa 16:23' na Sitio Ndoli


Abayobozi batandatu barimo Perezida muri koperative y’abajyanama b’ubuzima yo mu murenge wa Bweyeye batawe muri yombi na polisi mu mpera z’icyumweru gishize, bacyekwaho kurigisa amafaranga agera kuri miliyoni 58.

Umwe mu bajyanama bagize iyi koperative yavuze ko bashatse kugura imodoka izajya itwara abagenzi yo mu bwoko bwa taxi minibus, maze bajya kureba amafaranga kuri konti bagasanga irabahamagara.

Abanyamuryango b’iyi koperative bavuze ko bari baziko bafite amafaranga bahaweho inkunga ndetse n’ayo bakuye mu nyungu z’imishinga bakora, yose yagombaga kuba ari kuri konti yabo.

Umunyamabanga Nshingwabikorwa w’Umurenge wa Bweyeye, Sindayiheba Aphrodis,yabwiye IGIHE ko amafaranga koperative ibura agera kuri miliyoni 58 z’amanyarwanda.

Koperative y’abajyanama b’ubuzima bo mu murenge wa Bweyeye igizwe n’abanyamaryango 69.

Uretse amafaranga ihabwa nk’inkunga, iyi koperative ifite imishinga irimo ubwogoshi, icyuma gisya n’ibindi.

Umuvugizi wa Polisi mu Ntara y’Uburengerazuba, CIP Theobald Kanamugire yatangaje ko aya makuru yari ataramenya ubwo iyi nkuru yakorwaga, ariko ko agiye kuyakurikirana.

Aba bagabo uko ari batandatu batawe muri yombi ku wa Gatanu tariki ya 4 Ugushyingo, bakaba bagejejwe kuri Sitasiyo ya Polisi ya Kamembe kuri uyu wa Mbere.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved