Kwamamaza

Rusizi: Batangiye gusoroma ku mbuto z’imodoka bahawe na Perezida Kagame

Yanditswe kuya 6-09-2016 saa 16:37' na Sitio Ndoli


Koperative Umucyo y’abageze mu zabukuru mu Murenge wa Gikundamvura, mu Karere ka Rusizi, iravuga ko imodoka Perezida wa Repebulika Paul Kagame yabahaye, yabakuye mu bwigunge dore ko ngo nta yindi itwara ibicuruzwa bagiraga mu Murenge wabo.

Hari tariki ya 30 Kamena 2015 ubwo umukuru w’igihugu yasuraga abaturage b’akarere ka Rusizi ku kibuga cya Musha, maze umusaza Habyarimana Joseph usanzwe ari Perezida w’iyi Koperative amubwira ko bafite gahunda yo kugura imodoka, Perezida Paul Kagame ahita abemerera imodoka.

Imvugo yabaye ingiro kuko tariki ya 17 Werurwe uyu mwaka, Minisitiri muri Perezidansi, Venantie Tugireyezu yabashyikirije iyo modoka bemerewe n’umukuru w’igihugu.

Kuri ubu ngo iyo modoka icunzwe neza kandi yakuye mu bwigunge abaturage bo muri uyu murenge ibagereza imyaka ku masoko kuko nta soko riba muri uyu murenge.

Habyarimana Joseph Perezida w’iyi Koperative agira ati “Abaturage bamaze kuyoboka cyane, ntawe ukivunika n’imitwaro ngo yikorere bose barayitegereza. Ikintu cyo kwikorera kimaze gucika nk’uko Umukuru w’Igihugu yabibonye akakidukemurira. Gikundamvura irera, kuri ubu imyembe yajyaga idupfira ubusa ariko iyi modoka izayigeza ku masoko.”

Umuyobozi w’akarere wungirije ushinzwe imibereho myiza y’abaturage, Nsigaye Emmanuel, avuga ko hashyizweho komite ncungamutungo y’iyi modoka kugira ngo ikomeze ibinjirize amafaranga.

Ati “ Ubu imodoka yabo iri gukora ubucuruzi itwara imyaka y’abaturage, tukaba twarashyizeho komite ncungamutungo kugira ngo ikore neza ku buryo baba abasaza n’abakecuru bakomeze gutera imbere, ndetse baguremo n’amatungo borozanye.”

Iyi modoka mu gihe cy’ukwezi ikorera amafaranga ari hagati y’ibihumbi 400 na 600, ikaba yarahawe abakuze 341 bo muri iyi Koperative.

Imodoka bahawe na Perezida Kagame ngo isigaye iborohereza kugeza umusaruro ku isoko
Iyi modoka ngo izajya inabafasha kugeza amatungo boroye ku masoko

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved