Rusizi : Ababyeyi biyemeje kubwiza abana babo ukuri ku byerekeye ubuzima bw’imyororokere

Yanditswe na Akimana Erneste
Kuya 19 Kamena 2019 saa 01:48
Yasuwe :
0 0

Ababyeyi bo mu Murenge wa Muganza ho mu Karere ka Rusizi, bavuga ko nyuma yo gusobanurirwa ibijyanye n’ubuzima bw’imyorokere, bagiye gufata iya mbere mu gusobanurira abana babo kugira ngo batagwa mu bishuko.

Ibi babitangaje kuri uyu wa Kabiri tariki ya 18 Kamena mu bukangurambaga bwiswe "BAHO NEZA" bw’Umuryango Imbuto Foundation .

Ubu bukangurambaga bugamije gushishikariza abaturage kwitabira serivise zigamije gusigasira ubuzima.

Nkuko babitangarije IGIHE, abatuye mu Murenge wa Muganza bavuga ko mbere yo guhabwa ubukangurambaga, batinyaga kubwira abana babo ibijyanye n’ubuzima bw’imyororokere.

Tabaro Dismas, umuturage wo muri uwo murenge yagize ati “Mbere twatinyaga kubwiza abana ukuri ku bijyanye n’ imyorokere. Twagiraga isoni ariko ubu tugiye gufata iya mbere kuko twabisobanuriwe byimbitse ".

Mukashema Veronica na we yavuze ko mbere batinyaga gusobanurira abana babo imihindagurikire y’imibiri y’abana babo, bikaba byabaviramo kwishora mu ngeso mbi nk’ubusambanyi.

Yagize ati "Nk’umumbyeyi ntabwo twabwiraga abana bacu kuko byaduteraga isoni, bigatuma abana batwara inda zitatengayinjwe, ariko ubu muri ubu bukangurambaga tugiye aho dutuye gushishikariza abana gahunda yo kuboneza urubyaro".

Mukamurara Rutamu Helena wari uhagarariye umuryango Imbuto Foundation, yavuze ko kudasobanurura abana ibijyanye n’ubuzima bw’imyororokere bishobora gutuma bahohoterwa.

Ati “ Twaje gukangura abaturage tubibutsa ko ihohoterwa rihari bakamenya n’uburyo barirwanya. Iyo uganirije umwana akiri muto n’iyo agize ibyago agahohoterwa arakubwira. Ababyeyi bagomba gutega amatwi abana ,ntibibe igihe akoze ikosa ahubwo agahozaho.”

Akarere ka Rusizi kari mu turere dufite umubare wo hejuru w’abana baterwa inda dore ko raporo zigaragaza ko abasaga 500 buri mwaka baterwa inda zitateguwe.

Abaturage bari bitabiriye ku bwinshi baje mu bukangurambaha bwa BAHO NEZA
Hatanzwe ubutumwa bwanyujijwe mu bihangano
Abafite Ubumuga butandukanye bari bitabiriye ubu bukangurambaga
Umunyamabanga Nshingwabikorwa w'Umurenge wa Muganza, Nsabimana Theogene atanga ubutumwa
Mukamurara Rutamu Helena wari uhagarariye umuryango Imbuto Foundation, yavuze ko kudasobanurura abana ibijyanye n’ubuzima bw’imyororokere bishobora gutuma bahohoterwa.
Ababyeyi basobanuriwe gahunda yo kuboneza urubyaro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza