Rulindo: Umugabo yishe umugore we amukebye ijosi

Yanditswe na Ishimwe Israel
Kuya 4 Ukwakira 2016 saa 04:01
Yasuwe :
0 0

Biziyaremye Jean Marie Vianney, w’imyaka 35 afungiwe kuri Sitasiyo ya Polisi ya Bushoki mu Karere ka Rulindo aho akurikiranyweho icyaha cyo kwica umugore we witwa Muhawenimana Ernestine w’imyaka 36.

Umuvugizi wa Polisi mu Ntara y’Amajyaruguru, IP Innocent Gasasira yabwiye IGIHE ko uyu mugabo Biziyaremye yishe umugore we saa munani zo ku wa Mbere tariki ya 3 Nyakanga 2016 nyuma y’uko bari bamaze igihe baratanye kubera ko bari bafitanye amakimbirane.

Yagize ati “ Nibyo yamwishe ejo amuteye icyuma ubwo yari amusanze mu muhanda kuko bari bamaze iminsi basa nk’aho batandukanye kubera amakimbirane bari bafitanye. Ntabwo tuzi umubare w’abana bari bafitanye.”

Yakomeje avuga ko Biziyaremye afungiye kuri Sitasiyo ya Polisi ya Bushoki ndetse ko iperereza ryatangiye kugira ngo bamenye icyo yamuhoye.

Ingingo ya 142 yo mu gitabo cy’amategeko ahana ibyaha mu Rwanda, ivuga ko uwica uwo bashakanye ahanishwa igifungo cya burundu, iki gihano kikaba cyahabwa Biziyaremye mu gihe icyaha cyamuhama.

Uretse uyu Mugore wivuganywe n’umugabo we muri ako Karere ka Rulindo haravugwa undi muntu wishwe uretse ko Polisi ivuga ko iperereza ryatangiye kugira ngo hamenyekane imyirondore ye n’abamwishe.

Umuvugizi wa Polisi mu Ntara y’Amajyaruguru, IP Innocent Gasasira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza