Kwamamaza

Rulindo:Abajura bibye Sacco ya Burega banica uwayirindaga bamukuyemo amaso

Yanditswe kuya 29-09-2016 saa 12:47' na Thamimu Hakizimana


Abajura batari bamenyekana bibye Sacco iherereye mu Kagari ka Butangampundu mu Murenge wa Burega, mu Karere ka Rulindo banica umuzamu wayirindaga undi bamukomeretsa bikomeye.

Amakuru aturuka muri uwo murenge wa Burega avuga ko abajura bibye iyo Sacco bishe uwayirindaga bamukuyemo amaso.

Umuvugizi wa Polisi mu Ntara y’Amajyaruguru, IP Gasasira Innocent yemereye IGIHE ko abajura bibye Sacco ya Burega banica n’uwayirindaga.

Yagize ati “ Nibyo ayo makuru niyo, abajura mu ijoro ryakeye bibye Sacco ya Burega banica uwayirindaga undi bamukomeretsa bikomeye.”

Nyuma yo guca urugi rwa Sacco bakabona bitari buborohere kugera ku mugambi wabo, aba bajura bacukuye bahingukira ahari umutamenwa warimo miliyoni enye n’ibihumbi 900 by’amafaranga y’u Rwanda barawutwara.

Icyakora ngo baje kuwuta umaze kubananira kuwufungura dore ko n’imodoka ifite ’plaque’ y’ingande yaje kubapfiraho hafi aho, hakaba hari abakekwa bamaze gufatwa.

IP Gasasira we yavuze ko iperereza rigikomeje habazwa abantu batandatu ariko nta wurahamwa n’ibinyetso bigaragaza uruhare rwe muri iki gikorwa.

Umurambo wa nyakwigendera wahise ujyanwa ku bitaro by’i Rutongo, ukaba uzashyingurwa kuri uyu wa Gatanu.

IP Gasasira Innocent, Umuvugizi wa Polisi mu Ntara y'Amajyaruguru

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved