Kwamamaza

Rulindo: Abagabo 282 bamaze kwifungisha urubyaro burundu

Yanditswe kuya 30-09-2016 saa 08:15' na IGIHE


Hashize imyaka itanadatu mu Rwanda hashyizweho gahunda yo gukangurira abagabo kwitabira gahunda zo kuboneza urubyaro bakoresha uburyo bwo kwifungisha burundu (vasectomie), mu rwego rwo kugabanya umubare w’abaturage ugenda wiyongera cyane ugereranyije n’ubukungu bw’igihugu.

Ubuyobozi w’Akarere ka Rulindo bwatangaje ko kugeza ubu abagabo 282 bamaze kwitabira uburyo bwo kwifungisha burundu, nka bumwe mu bufasha abagabo kuboneza urubyaro.

Umuyobozi w’Akarere wungirije ushinzwe imibereho myiza y’abaturage, Marie-Claire Gasanganwa, yabwiye itangazamakuru ko abagabo bo mu Karere ka Rulindo bahitamo kuboneza urubyaro bakoresheje uburyo bwo kwifungisha burundu.

Yagize ati “Dukoresha uburyo bubiri mu kuboneza urubyaro mu karere kacu. Abagore bakoresha uburyo bwo gufata ibinini mu gihe abagabo bahitamo kwifungisha urubyaro burundu.”

Agaruka ku bihuha bikwirakwizwa kuri ubu buryo bwo kwifungisha urubyaro burundu ku bagabo, akavuga ko ababukoresheje bahamya ko ntacyo bihindura mu myitwarire yabo mu gutera akabariro.

Uburyo bwo gufungisha urubyaro ku bagabo bwatangiye gukoreshwa mu Rwanda muri 2010. Bufite amabwiriza yihariye kuko ushaka kwifungisha bisaba ko umugore n’umugabo bajyana kwa muganga ndetse bakitwaza ibyangombwa bisinyeho n’abayobozi bo ku nzego z’ibanze ndetse n’abo mu muryango w’abagiye gufungisha urubyaro mu buryo bwa burundu.

Ibi bikorwa kugira ngo ejo hatazavuka ikibazo umwe muri bo agashaka kujya kurega mu nkiko.

Kuboneza urubyaro ni gahunda ya Leta igamije gushishikariza no gufasha abaturage kubyara abana bashoboye kurera, yaba kubagaburira, kubishyurira amashuri, kubavuza n’ibindi nkenerwa ku mwana uri mu muryango.

Ubushakashatsi bwakozwe mu 2014-2015 n’Ikigo cy’Igihugu cy’Ubuzima, RBC, ku myororokere y’Abanyarwanda, bugaragaza ko buri mwaka mu Rwanda havuka abana ibihumbi 300, ni ukuvuga abana bashobora kuzura akarere kamwe k’u Rwanda.

Umuyobozi w'akarere wungirije ushinzwe imibereho myiza y'abaturage, Marie-Claire Gasanganwa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved