Ruhango: Abagororwa icyenda n’abacungagereza batanu bakomerekeye mu mpanuka y’imodoka

Yanditswe na Kanamugire Emmanuel
Kuya 19 Werurwe 2017 saa 10:04
Yasuwe :
0 0

Imodoka y’Urwego rw’Igihugu rushinzwe Imfungwa n’Abagrorwa, RCS yakoze impanuka ku gicamunsi cyo kuri uyu wa 19 Werurwe abagororwa icyenda n’abacungagereza batanu barakomereka.

Iyi mpanuka yabereye mu Ruhango ahagana saa cyenda z’umugoroba abakomeretse bajyanwa kuvurirwa mu Bitaro bya Nyanza.

Umuvugizi wa RCS, CIP Sengabo Hillary yatangaje ko umushoferi wari utwaye aba bagororwa yarenze umuhanda ubwo yageragezaga gukwepa umumotari wari umwitambitse.

Aba bagororwa bari bavanywe muri Gereza ya Gasabo bajyanywe mu magereza atandukanye arimo iya Muhanga, Huye na Nyamagabe nk’uko CIP Sengabo yakomeje abisobanura.

Yavuze ko iyi modoka yarimo abasaga 20 ariko mu bari bakomeretse nyuma yo kwitabwaho n’ibitaro bya Nyanza hasigaye abagororwa batandatu n’abacungagereza babiri kuko abandi bahise basezererwa.

Kugeza ubu ngo iperereza riracyakomeje ngo hamenyekane nyirizina icyateye iyi mpanuka.

Umuvugizi wa RCS, CIP Sengabo Hillary

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244