Kwamamaza

Ruhango:Batatu bakurikiranyweho kurangarana umubyeyi wabyaraga umwana agapfa

Yanditswe kuya 6-09-2016 saa 21:46' na Ezechiel Mbananabo


Abaganga batatu bakorera mu bitaro bya Gitwe mu Karere ka Ruhango batawe muri yombi kuri uyu wa Kabiri bakekwaho kurangarana umubyeyi babyazaga umwana we agapfa.

Aya makuru yemejwe n’Umuvugizi wa Polisi y’u Rwanda mu Ntara y’Amajyepfo, CIP André Hakizimana mu kiganiro yagiranye na IGIHE ku murongo wa telefoni.

Yagize ati “Ni byo batawe muri yombi mu ma saa yine mu rwego rw’iperereza. Bafungiye kuri sitasiyo ya polisi ya Kabagari mu Karere ka Ruhango. Turacyakora iperereza nirirangira ni bwo twakwemeza iby’ubwo burangare.”

Yakomeje avuga ko aba baganga bafashwe nyuma y’uko polisi ishyikirijwe ikibazo n’uwo mubyeyi wapfushije umwana mu ijoro ryakeye ubwo yabyariraga mu bitaro bya Gitwe.

Si ubwa mbere havuzwe ikibazo cy’abaganga barangarana abarwayi cyangwa kwitwara nabi mu kazi.

Mu mpera z’ukwezi gushize umubyeyi yabyariye ku bitaro bya Ruli abeshywa ko yabyaye umwana upfuye maze bamuha ikarito irimo igipupe n’amabuye bamubwira ko ari umurambo w’umwana we.

Icyakora ukekwaho gukora icyo gikorwa yatawe muri yombi kuri ubu ari gukurikiranwa kugira ngo nibimuhama azabihanirwe n’amategeko.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 24 Ugushyingo 2016
Copyright © 2009 -2014 - IGIHE Ltd - All Rights Reserved