Kwamamaza

Rubavu:Uwibaga abaturage yigize umupolisi yafashwe

Yanditswe kuya 20-10-2016 saa 20:40' na Mukwaya Olivier


Serugendo Jean Baptiste wibaga abaturage bo mu Karere ka Rubavu yatawe muri yombi yambaye imyambaro ya Polisi y’u Rwanda kuri uyu wa Kane tariki ya 20 Ukwakira 2016.

Serugendo yafatiwe mu Murenge wa Mudende mu karere ka Rubavu, nyuma y’igihe ashakishwa kuko yari amaze kwiba moto eshanu yigize umupolisi akaba yari yarahinduye n’amazina ye.

Yiyitaga Nzayisenga Janvier, izina risa rihura n’iryanditse ku myenda ya Polisi yambaraga.

Abaturage ngo ni bo batanze amakuru ko yerekeje i Mudende, asanga Polisi na Dasso bamwiteguye bahita bamufata, basanga afite imyenda ya polisi mu gikapu.

Moto yari imutwaye ngo na yo yari agambiriye kuyiba, aho yashakaga kujyana umumotari nyirayo mu bice by’icyaro kugira ngo amurindagize kugeza ayitwaye.

Umwe mu bibwe moto, Gashema Emmanuel wo mu murenge wa Kanama aragira ati “Uriya mugabo yansanze Mahoko ansaba kumujyana mu Kamuhoza, tugeze ku rugo rw’Umwalimu witwa Mariko yinjira mu gipangu yambara imyambaro ya Polisi, arambwira ngo musubize kuri Mahoko.

Ubwo nari musubije mu gasantere ka Mahoko yambwiye ko hari abantu arimo gukurikirana bateye ibisasu i Musanze ngo mutware vuba iperereza arimo ridapfa, mugeza Busasamana ari na ho yanyamburiye moto.”

“Yarambwiye ngo ninjye kumurebera imbere umupolisi bari kumwe na moto, ngeze imbere sinamubona; ngarutse mubwiye ko mubuze ansaba ko yajya kumwirebera. Nari namwizeye ndamureka ajya kumureba na moto yanjye ariko nyiheruka ubwo.”

Mugenzi we Itangishaka Elisé wo mu murenge wa Rugerero na we wibwe moto yagize ati “Nari ndi ku bitaro bya Gisenyi umuntu araza ansaba kumujyana i Kanembwe; yambwiye ko ari mu kazi yihuta, tugenda ari kuri telefone avugana n’abantu ababwira ko aje kandi ko ashaka guhita agaruka kuko afite akazi kenshi.”

Uyu na we avuga ko bageze ku gipangu amubwira ko agiye kwiyambura abona asohotse yambaye imyenda ya polisi barakomeza bageze Kanembwe ahahurira n’umugore amusaba ko yajya kumwereka aho umugabo we ari, ubwo bagenda kuri moto ntiyagaruka.

Yakomeje ati “Umugore agarutse wenyine namubajije aho assize uwo mugabo arambwira ngo bahise bamuhamagara hari ibibazo agiye gukemura ndamutegereza ndaheba, numvise ngo bamufashe mpageze nsanga ni we.”

Usibye moto imwe uyu Serugendo yagurishije i Nyabugogo mu Mujyi wa Kigali, ngo yavuze ko izindi na we yazambuwe.

Andi makuru avuga ko yaba yarahoze muri Polisi yinjiyemo mu 2010 akaza gutoroka mu 2014.

Umuvugizi wa Polisi mu Ntara y’Uburengerazuba CIP Kanamugire Theobald yatangarije IGIHE ko agiye gukurikirana neza iby’uyu mugabo.

Kugeza ubu uyu mugabo ari mu maboko ya polisi akaba acumbikiwe kuri sitation ya Gisenyi.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved