00:00:00 IGIHE NETWORK KN KINYARWANDA EN ENGLISH FR FRANCAIS

Rubavu: Umwarimu wabeshye ko inzu ye yasenywe n’umutingito ari mu mazi abira

Yanditswe na Mukwaya Olivier
Kuya 19 Kamena 2021 saa 09:27
Yasuwe :
0 0

Ubuyobozi bw’Akarere ka Rubavu bwagaye umwarimu w’ishuri rya Groupe Scolaire Kanembwe utuye mu Murenge wa Rubavu, uherutse kugira ibyago by’uko inzu ye n’umugabo we yahiye, ariko akajya kurara hanze y’Ibiro by’Akagari ka Rukoko atuyemo avuga yasenyewe n’imitingito iherutse kuba mu Karere ka Rubavu, bityo akaba yifuza ubufasha.

Nyuma y’uko uyu muryango uhuye n’ibyo byago, Ubuyobozi bw’Akarere bwawukodeshereje inzu mu gihe cy’amezi ane n’igice, kugira ngo babe bashaka ubundi buryo bwo kubaho nyuma yaho.

Umuyobozi Wungirije w’Akarere ka Rubavu, Ushinzwe Imibereho Myiza, Ishimwe Pacifique, yavuze ko uyu muryango wasebeje ubuyobozi kandi wari usanzwe ufite indi nzu itarahiye ukodesha.

Ati ‘’Mu gukurikirana ikibazo cyabo, byaje kugaragara ko basanzwe bafite inzu imbere y’iyahiye, bakaba bayikodesha abandi bantu bakamwishyura. Ibi bikiyongeraho ko [umwalimu] asanzwe ari n’umukozi wa Leta.”

Nyuma yo kubona ko ibyo yakoze bidakwiriye, uyu murezi yanditse ibaruwa asaba imbabazi, cyane ko yemera ko atari mu cyiciro cy’abakwiye kuba bafashwa na Leta.

Uyu muryango wararaga ku Biro by'Akagari ka Rukoko uvuga ko inzu yabo yasenywe n'umutingito kandi yarahiye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .