Rubavu: Umuyobozi ushinzwe igenamigambi yafashwe akekwaho uruhare mu bujura bwa mudasobwa

Yanditswe na Mukwaya Olivier
Kuya 11 Mata 2018 saa 10:50
Yasuwe :
0 0

Umuyobozi w’ishami rishinzwe igenamigambi mu Karere ka Rubavu, Harerimana Blaise, ari mu maboko ya Polisi aho akurikiranyweho kugira uruhare mu ibura rya mudasobwa enye zaburiwe irengero mu biro by’ishami akuriye.

Umuvugizi wa Polisi mu Ntara y’Iburengerazuba, CIP Gasasira Innocent, aganira na IGIHE, yemeje aya makuru avuga ko iperereza rigikomeje.

Yagize ati “Harerimana Blaise yatawe muri yombi nijoro ubu afungiye kuri Sitasiyo ya Polisi ya Gisenyi; ni ugukekwa kuko mudasobwa zabuze mu biro akaba avuga ko yasize adafunze ibiro. Biracyari mu iperereza kugira ngo hamenyekane uburyo zabuze.’’

Yakomeje avuga ko ubu habaye hafunzwe babiri aribo Harerimana Blaise na Niyonsaba Yvette bakoranaga mu biro bimwe ariko n’abandi bakaba bagikurikiranwa.

Kwibwa kwa mudasobwa mu biro by’ishami rishinzwe igenamigambi mu Karere ka Rubavu byaherukaga mu mwaka wa 2016.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza