Rubavu: Umusore afunzwe akekwaho gusambanya umwana w’imyaka itanu

Yanditswe na Mukwaya Olivier
Kuya 6 Gicurasi 2018 saa 10:12
Yasuwe :
0 0

Umusore w’imyaka 23 yafatiwe mu Kagali ka Byahi, Umurenge wa Rubavu akekwaho gusambanya umwana w’imyaka itanu amushukishije amandazi bikaza kumuviramo kumutera indwara zandurira mu mibonano mpuzabitsina.

Umunyamabanga Nshingwabikorwa w’agateganyo w’Akagali ka Byahi, Uwimana Josephine, aganira na IGIHE yasobanuye uburyo uyu musore yakoze iki cyaha.

Ati “Umwana yari amaze iminsi yihagarika akababara nyina ntabyiteho ariko ku wa Mbere araremba nyina arebye abona ari kuzana amashyira, Umukuru w’Umudugudu amubwira ko yajya kuri polisi agezeyo bamwohereza kwa muganga ariko mu kuganira umwana avuga umusore wamufashe amushukishije amandazi.”

Nyuma y’aho uyu mwana asobanuriye ko hari uwamufashe ku ngufu, uwo musore yafashwe na polisi ubu iperereza rirakomeje.

Uyu muyobozi yakomeje avuga ko iki kibazo giterwa n’abantu bari kujya gutura muri aka kagari kegereye Umujyi wa Gisenyi.

Ati “Ikigaragara abarimo gukora ibi bintu ntabwo ari abo mu kagari kacu usanga baturuka hirya. Nk’uyu musore ni uwo muri Ngororero, n’uherutse gufata abana babiri nawe si uwa hano. Ubu tugiye gukangurira ababyeyi ku buryo bajya baganira n’abana babo bakirinda abo bagabo babegera bababwira ngo bagiye kubagurira amandazi, bombo n’ibindi. Ubu tugiye gukurikirana aba bapagasi tutazi iyo bari kuva kuko ni bo bari no kwiba’’

Ingingo ya 191 mu gitabo cy’amategeko ahana ibyaha mu Rwanda ivuga ko umuntu wese usambanyije umwana, ahanishwa igifungo cya burundu y’umwihariko.

Icyo gitabo kigaragaza ko igihe gusambanya umwana byamuviriyemo urupfu cyangwa uburwayi budakira, uwabikoze hejuru y’igifungo cya burundu y’umwihariko ahanishwa n’ihazabu y’amafaranga y’u Rwanda kuva ku bihumbi 500 kugeza kuri miliyoni imwe.

Imodoka ya Polisi itwaramo abakekwaho ibyaha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza