Rubavu: Sebeya yakuye mu byabo imiryango irenga 900

Yanditswe na Mukwaya olivier
Kuya 4 Werurwe 2018 saa 05:15
Yasuwe :
0 0

Imvura y’umurindi yaguye mu Karere Ka Rubavu, ku wa 3 Werurwe 2018, yateje umwuzure, umugezi wa Sebeya usenya inzu 26, izindi zirenga 900 nazo zinjirwamo n’amazi ku buryo abari batuyemo bagiye gucumbikirwa mu baturanyi.

Mu ibarura ryakozwe ku ngaruka uyu mwuzure wateje, Guverineri w’Intara y’Uburengerazuba, Munyantwari Alphonse, yatangaje ko nta bantu bapfuye ariko hari abakomeretse, umwe muri bo yoherezwa mu bitaro bya Ruhengeri.

Yagize ati "Ubu imibare twamaze kwegeranya twari twagize ubwoba ko haba hari abantu bahitanywe n’uriya mwuzure ariko nta muturage wapfuye uretse abantu batatu bakomeretse; umwe niwe wakomeretse bikomeye kuko yavunitse igufa ry’ukuguru, abandi biroroheje.”

Kiu bijyanye n’ibyangiritse, Guverineri yagize ati “Ibikorwa byangiritse muri iyi mirenge itatu ni amazu 26 yasenyutse, hari 924 yagezwemo n’amazi; hari n’ubwiherero 356 n’ibiraro by’amatungo n’ishuri rya Ecole d’art ryagezwemo n’amazi menshi; hari n’amateme agera kuri atanu yangiritse.”

Yanatangaje ko hemejwe ko inzu zinjiyemo n’amazi abaturage batazisubiramo kugira ngo zitabagwaho.

Guverineri yanatangaje ko aba baturage basizwe iheruheru n’umwuzure bazagezwaho ubutabazi bw’ibanze burimo ibikoresho ku wa Mbere, tariki ya 5 Werurwe 2018. Intaya y’Uburengerazuba yavuganye na Croix Rouge na Minisiteri ishinzwe Ibiza, Midimar.

Uretse ubwo bufasha no kubwira abaturage ko batagomba gusubira mu nzu zinjiwe n’amazi, Guverineri yavuze ko hagiye gushyirwaho itsinda rireba niba nta batuye ahantu hatuma Sebeya ibagiraho ingaruka no kureba niba nta kuntu hakwirindwa ibiza.

Amazi ya Sebeya yateye mu ngo z'abaturage
Umuturage yitegereza uburyo basizwe iheruheru n'umwuzure
Imvura y'umurindi yateye umwuzure
Guverineri w’Intara y’Uburengerazuba, Munyantwari Alphonse
Sebeya yasenyeye imiryango irenga 900
Umugezi wa Sebeya wasenyeye abaturage
Umwuzure wasenye inzu 924

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza