Kwamamaza

Rubavu ku isonga mu turere twamunzwe na ruswa mu nzego z’ibanze

Yanditswe kuya 1-10-2016 saa 11:33' na Mukwaya Olivier


Umuryango Mpuzamahanga urwanya ruswa n’akarengane (Transparency International Rwanda) wamuritse ubushakashatsi wakoreye mu Turere dutandatu, aho Rubavu iza ku isonga mu kugaragaramo ruswa cyane mu nzego z’ibanze.

Ubu bushakashatsi bwashyizwe ahagaragara kuri uyu wa Gatanu, tariki ya 30 Nzeri, bwagaragaje ko Akarere ka Rubavu kagaragaramo ruswa ku gipimo cya 22.7 %, mu gihe utundi Turere twa Musanze, Kamonyi, Kayonza, Nyamagabe na Huye twakorewemo ubushakashatsi turi kuri 15.5%.

By’umwihariko mu karere ka Rubavu udupapuro 922 twashyizwe mu dusanduku mu Mirenge itandatu tugaragaza ko uwa Kanama uza ku isonga mu bikorwa byo kurya ruswa ugakurikirwa n’uwa Nyakiriba.

Ruswa ishingiye ku mafaranga yagaragaye ku gipimo cya 59.4%, ishingiye ku gitsina iba 3.4%, ishingiye ku gusaba amafaranga yo guhamagara kuri telefoni igaragara kuri 12% n’ibindi ku gipimo cya 16%.

Umunyamabanga Nshingabikorwa w’Umurenge wa Kanama wagaragayemo ruswa kurusha iyindi, Haguma Pascal avuga ko ari umuco yasanganye abaturage wo kwitura abayobozi, ariko ugomba gucika burundu.

Yagize ati “ Habayeho ihindagurika ry’abanyamabanga b’umurenge inshuro nyinshi, nkaba naraje ndi uwa gatanu, mpasanga umuco wo gushimira abayobozi. Ubu turimo kurwana na byo ngo umuturage amenye ko serivisi ahabwa ari uburenganzira bwe atagomba kuyitangira amafaranga.”

Umuyobozi wa Transparency International Rwanda ushinzwe Iterambere n’Ubuvugizi, Francine Umurungi avuga ko Rubavu ariyo iri hasi cyane mu gutanga serivisi no kurya ruswa.

Yagize ati “Ku birebana na ruswa biragaragara ko Rubavu idahagaze neza ugereranije n’utundi turere dutandatu twakoreyemo ubushakashatsi muri rusange kuri ruswa. Usanga abandi bavuga ko bahuye na ruswa ari 15% na ho muri Rubavu akaba ari 22.7%, icyiza ni uko batwemereye ko bagiye gufata ingamba zo gukemura iki kibazo.”

Ku birebana n’Umurenge wa Kanama watumye imibare mu Karere ka Rubavu izamuka bikabije yavuze ko ubuyobozi bw’uyu murenge bavuganye akaba ari mushya kandi abona afite gahunda ifatika yo kurangiza iki kibazo, hari n’ikizere ko muri bushakashatsi butaha imibare izaba imeze neza.

Ubushakashatsi byashyizwe ahagaragara bwakorewe mu Turere dutandatu aho abaturage bo mu Mirenge 42 bashyiraga impapuro mu dusanduku twabigenewe bavuga kuri serivisi bahawe ndetse no ku itangwa rya ruswa.

Abayobozi b'inzego z'ibanze basobanurirwa ubushakashatsi bwakozwe na Transparency International Rwanda
Umunyamabanga Nshingwabikorwa w'Umurenge wa Kanama, Haguma Pascal avuga ko iki kibazo cya ruswa kigomba gushakirwa umuti
Umuyobozi muri wa Transparency International Rwanda ushinzwe iterambere n’ubuvugizi, Francine Umurungi mu imurikwa ry'ubushakashatsi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved