Rubavu: Impanuka y’ikamyo yahitanye umwe undi akomereka bikomeye

Yanditswe na Mukwaya Olivier, Thamimu Hakizimana
Kuya 30 Mutarama 2021 saa 03:06
Yasuwe :
0 0

Ikamyo yari ipakiye imifuka y’isima yavaga i Musanze yerekeza mu Karere ka Rubavu yakoze impanuka ihitana umuntu umwe undi arakomereka bikomeye.

Ahagana saa saba z’amanywa kuri uyu wa Gatandatu tariki 30 Mutarama 2021, nibwo iyi mpanuka y’ikamyo yabaye. Yabereye mu Kagari ka Gisa mu Murenge wa Rugerero umuntu umwe ahita ahasiga ubuzima.

Amakuru agera kuri IGIHE ni uko umushoferi yahise acika amaguru mu gihe kigingi w’imodoka we yahise yitaba Imana.

Meya w’Akarere ka Rubavu, Habyarimana Gilbert, yabwiye IGIHE ko aho iyi mpanuka yabereye ari ahantu hari ikorosi, ku buryo bikekwa ko umushoferi yananiwe kuhataka.

Ati “Mu by’ukuri yaguye mu ikorosi rihari, ni impanuka ikomeye itoroshye kuko ikamyo yananiwe gukata.”

Abashoferi bagirwa inama yo kubahiriza amategeko y’umuhanda bagendera ku muvuduko wagenwe birinda impanuka za hato na hato.

Amapoto y'amashanyarazi yari ahari yahise aranduka
Umuntu umwe yahise yitaba Imana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .