Rubavu: Hafashwe uwashinjwaga n’ishuri gukingirwa ikibaba n’akarere ku irigiswa ry’umutungo

Yanditswe na Mukwaya olivier
Kuya 13 Werurwe 2018 saa 01:12
Yasuwe :
0 0

Ubuyobozi bwa Groupe Scolaire Stella Maris na komite y’ababyeyi baryo baherutse gushinja Akarere ka Rubavu gukingira ikibaba umucungamutungo umaze imyaka irenga itatu rimushinja kunyereza umutungo w’ikigo ariko ntakurikiranwe.

Kuba uwo mucungamutungo atarakurikiranwe byatangajwe muri Mutarama 2018 ariko kuri uyu wa 12 Werurwe Umuvugizi wa Polisi mu Ntara y’Iburengerazuba, CIP Karasira Innocent yemeje ko iyo dosiye yatangiye gukurikiranwa, hari n’abatawe muri yombi.

Yagize ati “Taliki 9 Werurwe 2018 twafashe Mukarukundo Jacqueline akaba yari asanzwe akorera kuri Groupe Scolaire ya Muhato ariko ubwo yayoboraga ku ikigo cya Groupe Scolaire de Gisenyi (Stella Maris) kuva 2014 kugeza 2017 hari amafaranga yanyerejwe, ubugenzuzi bugaragazwa n’akarere ka Rubavu akaba angana na 4,366,993 Frw aho ubugenzuzi bukorewe biza kugaragara ko ayo mafaranga yanyerejwe kandi ibirebana n’umutungo abifatanya n’umuyobozi w’ikigo. Byabaye ngombwa ko n’uwitwa Nkuriyumwami Charmant nawe tumufata>”

Yakomeje avuga ko abo bombi bafungiye kuri Sitasiyo ya Polisi ya Gisenyi, bakekwaho icyaha cyo kunyereza umutungo w’ikigo cya Groupe Scolaire de Gisenyi, iperereza rikaba rigikomeje.

Muri Mutarama uyu mwaka, Perezida wa Komite y’ababyeyi y’iki kigo, Nkerabigwi Marc, yari yvuze ko ntako batagize ngo ikibazo gikurikiranwe ariko raporo zageraga ku karere ntihagire icyemezo gifatwa kandi ari uwo mucungamutungo ari umukozi wako gacunga.

Indi nkuru wasoma: Rubavu: Ishuri rirashinja akarere gukingira ikibaba umucungamutungo ukekwaho kurigisa hafi miliyoni 4 Frw


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza