Rubavu: Coaster yagonze umunyegare n’ababyeyi bahetse, bane bitaba Imana

Yanditswe na Mukwaya Olivier
Kuya 1 Kamena 2018 saa 12:16
Yasuwe :
0 1

Imodoka itwara abagenzi ya Nile Safari yavaga i Rubavu yerekeza i Kigali, yagonze umunyegare n’ababyeyi babiri bahetse abana, batatu bahita bitaba Imana mu gitondo cyo kuri uyu wa Gatanu, undi agwa mu bitaro.

Iyi mpanuka yabereye mu Mudugudu wa Makoro, Akagari ka Nyarushyamba, Umurenge wa Nyakiriba, mu saa mbili n’igice za mu gitondo nk’uko inzego z’ibanze zabitangarije IGIHE.

Umunyamabanga Nshingwabikorwa w’Umurenge wa Nyakiriba, Hagenimana Epimaque, yagize ati “Umushoferi wa Coaster yahuye n’igare ryari ritwawe na Hakizimana Gilbert w’imyaka 21 , wavaga i Nyabihu ajya i Gisenyi, ashaka kurikatira biranga aramugonga ahita apfa; Coaster ubwo yahungaga igare nayo yahise inagonga abanyamaguru babiri barimo Mushimiyimana Olive w’imyaka 23 wari uhetse umwana n’undi witwa Mushimiyimana Kidudu w’imyaka 23 nawe wari uhetse. Abana bahise bapfa imirambo yoherejwe ku Bitaro bya Gisenyi, ba nyina b’aba bana nabo bakomeretse cyane bari kuvurirwa kuri ibi bitaro."

Nyuma yo kuganira na Hagengimana, twahise tumenya ko n’umwe muri abo babyeyi, Mushimiyimana Olive, yaguye mu Bitaro bya Gisenyi.

Inzego z’ibanze zavuze ko iyo mpanuka yatewe n’umunyegare wataye umukono we, ashaka kunyura yindi modoka, yisanga yagonganye na coaster.

Coaster yagonze umunyegari n’ababyeyi bahetse, umunyegare n'abana bahita bitaba Imana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza