Kwamamaza

Rubavu:Bariruhutsa nyuma yo kwegerezwa ishami rya banki hafi y’umupaka

Yanditswe kuya 1-09-2016 saa 13:46' na Mukwaya Olivier


Abaturage bakoraga ingendo ndende bajya kubitsa amafaranga mu mujyi wa Gisenyi baturutse impande zitandukanye zegereye umupaka uhuza U Rwanda na Repubulika Iharanira Demoakarasi ya Congo bariruhutsa nyuma yo kwegerezwa ishami rya Unguka Bank kuri uyu mupaka.

Iri sahami ryafunguwe ku mupaka muto uhuza ibihugu byombi ahazwi nka Petite Barrière, rikaba rije gukemura ibibazo by’abaturage muri serivisi z’imari.

Abaturage biganjemo abavunjayi bavuga ko bakundaga kugira impungenge zo gukora urugendo rurerure bafite amafaranga atari make mu ntoki aho bagendaga bikanga guhura n’abajura harimo n’’abuzukuru ba shitani’ bigeze kuyogoza abaturage babiba amafaranga n’ibindi bintu muri aka karere.

Usibye aba bavunjayi, kuri uyu mupaka hari abaturage baturuka muri Repubulika Iharanira Demokarasi ya Congo bemeza ko kuba begerejwe ishami rya Banki bizaborohera kujya babitsa bagahita basubira mu gihugu cyabo.

Zawadi Madina, umwe mu baturage bakorera ubucuruzi muri Congo avuga ko iyo bavuye gucururiza muri iki gihugu baba bafite impungenge zo kugendana amafaranga menshi batinya ko bashobora guhura n’abajura bakayabambura, ashima kuba begerejwe ishami rya banki ku mupaka.

Yagize ati"Kubera nta mutekano tuba twizeye wo kubitsa amafaranga muri Congo,iyo turangije gucuruza turayatahana kandi gutemberana amafaranga menshi bidutera impungenge. Kuba twahawe ishami bizatworohereza kandi biduhe umutekano w’amafaranga yacu."

Nshimiyimana Janvier, umwe mu baturage batuye mu mujyi wa Gisenyi avuga ko kwegerezwa ishami rya Unguka Bank bigiye kuborohereza gukora neza no kurushaho kugerwaho na serivisi baba bagenewe dore ko umujyi wari umaze kwaguka ishami rimwe rikaba ritari rihagije.

Byakunda Faustin, Umuyobozi mukuru wa Unguka Bank mu Rwanda avuga ko ingamba bafite ari ugukomeza kwegereza abakiriya serivisi nziza barushaho kubafasha kugira umutekano w’amafaranga yabo ubungabungwe.

Yagize ati"Hashize igihe ino aha hagaragara abantu baba bafite impungenge z’amafaranga yabo;hari abataha bavuye mu bucuzuzi bakagira ubwoba bwo kuyakorana urugendo rurerure bajya gushaka banki ariko noneho bazajya bayabitsa mu buryo buboroheye kandi bizabafasha cyane."

Abakiliya b’iyi banki bavuze ko bakibangamiwe no kuba batagira amakarita ya ATM,bemeza ko yabafasha kwihuta ntibatonde imirongo umwanya munini,guhabwa serivisi amasaha make n’ibindi ariko ubuyobozi bukavuga ko bizagenda bikemuka.

Abakiliya ba Unguka Bank bishimiye kwegerezwa ishami ku mupaka
Abakora ubucuruzi bwambukiranya umupaka basubijwe
Byakunda Faustin, Umuyobozi mukuru wa Unguka Bank aganiriza abakiliya
Ishami rya Unguka Bank ryashyizwe ku mupaka muto (petite barrière)

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 28 Nzeri 2016
Copyright © 2009 -2014 - IGIHE Ltd - All Rights Reserved