Kwamamaza

Rubavu: Abanyarwanda birukanwe muri Tanzania babangamiwe n’ihezwa bakorerwa

Yanditswe kuya 9-10-2016 saa 11:44' na Mukwaya Olivier


Abanyarwanda birukanwe muri Tanzania bagatuzwa mu Murenge wa Cyanzarwe, mu Karere ka Rubavu, bavuga ko babangamiwe n’abaturage babaha akato babita abanya-Tanzania.

Iyi miryango yemeza ko hari ubwo ihabwa akato akenshi bitewe no kuba ntacyo bagira nk’ubutaka bwo guhingaho, uburenganzira ku nzu bubakiwe n’ibindi.

Bamwe muri aba banyarwanda bavuga hari abagore bari mu kagoroba k’ababyeyi, bashaka uburyo bahabwa inguzanyo muri VUP bikabagora bikagera n’aho babita abanya-Tanzania.

Nyirarukundo Marina, umwe mu birukanwe muri Tanzania agira ati "Nagiye kwaka inguzanyo barasigana ngo mbese nk’uriya mutanzaniya wamushyira ku rutonde nta karima agira, nta ngwate n’ibindi, ugasanga barinubira kudufata kimwe n’abandi ngo turi aba-Tanzania.”

Mugenzi we na we yungamo agira ati "Hari igihe nanjye ngera aho nkabona ko kutwita aba-Tanzania bafite ishingiro kuko iby’abanyarwanda ntabwo tubyujuje, turifuza ubuvugizi bakaturangiriza inzu, tukabona aho guhinga ndetse n’inzu batwubakiye twibwira ko ari izacu tukazigiraho uburenganzira.”

Umuyobozi w’Akarere ka Rubavu wungirije ushinzwe imibereho myiza y’abaturage, Uwampayizina Marie Grace, avuga ko kuba aba baturage barimwe ibyangombwa bya burundu by’izi nzu biterwa n’imyitwarire mibi ya bamwe muri bo irushaho gutera ubwoba ubuyobozi.

Agira ati "Izi nyubako baba bubakiwe zibafasha kubona aho batura, dufite impungenge zo kugira ngo ibyangombwa tubibegurire, hari abo tuzi bagenda tukayoberwa aho bagiye, ubwo rero umuhaye uburenganzira bwose yanayigurisha akigendera cyangwa akayitega kuri banki ugasanga bayiteje cyamunara.”

Uyu muyobozi asaba abaturage kujya bafata aba birukanywe muri Tanzania nka bagenzi babo, aho kubafata nk’abanya-Tanzania bitewe n’uko nabo ari abanyarwanda kandi bafite uburenganzira bwose.

Yakomeje yizeza aba birukanywe ko ikibazo cyo guhabwa uburenganzira ku nzu bubakiwe bazakomeza kucyigaho.

Mu miryango 19 yirukanywe muri Tanzania ikakirwa mu Karere ka Rubavu ikanubakirwa inzu, hari itanu itakihabarizwa kuko yasize ikinze inzu, ijya ahandi gushaka imibereho nkuko ubuyobozi bw’akagari iyi miryango ituyemo bubivuga.

Abirukanywe muri Tanzania basaba ko bahabwa ibyangombwa by'inzu zabo kugira ngo biteze imbere

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved