Kwamamaza

Rubavu: Abanyamuryango ba FPR Inkotanyi barasabira urubyiruko kwigishwa igisirikare

Yanditswe kuya 24-10-2016 saa 07:02' na Mukwaya Olivier


Mu rwego rwo gukusanya ibitekerezo bizashyirwa ku ngengabihe umuryango wa FPR Inkotanyi uzagenderaho mu 2017/2024, abanyamuryango bateraniye mu Nteko rusange idasanzwe mu mirenge igize Akarere ka Rubavu by’umwihariko mu Murenge wa Gisenyi, aho bagaragaje icyifuzo cy’uko urubyiruko rw’abanyeshuri barangije amashuri yisumbuye rwajya ruhabwa imyitozo ya gisirikare mu rwego rwo kubakangurira kurinda igihugu cyabo.

Muri iyi Nteko rusange yateranye kuri uyu wa 23 Ukwakira, Umuyobozi w’Umuryango wa FPR Inkotanyi mu Murenge wa Gisenyi, Sheikh Kibata Abdul, agira ati "U Rwanda rufite ibibazo bihera mu gihe cya gikoroni, niyo mpamvu twasanze urubyiruko rw’u Rwanda rwigishijwe igisirikare byazatuma abanyarwanda b’igihe kizaza bazaba ari abantu bakunda igihugu cyabo,bakundana ubwabo bafite ubushobozi bwo kurwana ku busugire bw’igihugu cyabo.”

Sinamenye Jéremie, Umuyobozi w’Akarere ka Rubavu akaba n’Umuyobozi w’Umuryango FPR Inkotanyi muri aka karere, avuga ko mu bitekerezo byavuye mu tugari n’imidugudu, bifuje sitasiyo za Polisi mu tugari,ikigo nderabuzima muri buri kagari ndetse no guhugura urubyiruko ruhabwa amasomo ya gisirikare.

Yagize ati " Abanyamuryango basabye sitasiyo ya Polisi, ikigo nderabuzima muri buri kagari, by’umwihariko banasabye ko abanyamuryango bose bashyigikira igitekerezo cy’uko abanyeshuri bose barangije bajya bahugurwa bagakora itorero, bakavangamo imyitozo ya gisirikare kugira ngo haramutse hanabaye ikintu kidasanzwe, buri muntu wese uri mu myaka y’urubyiruko abe yabasha kuba yatabara igihugu.”

Abanyamuryango ba FPR Inkotanyi mu Murenge wa Gisenyi, basabye kandi ko ibitaro bya Gisenyi byavugururwa bikajyana n’igihe, bifuza kandi ko utugari twakubakirwa ibiro kuko usanga hafi ya twose dukorera mu nzu z’abaturage twakodesheje.

Mu bitekerezo byakusanijwe mu tugari tugize umurenge wa Gisenyi, bifuje ko habaho kwihutisha gahunda yo kwegereza abaturage ubuyobozi n’ubushobozi, gushyiraho abayobozi b’imidugudu bafite amashuri atandatu yisumbuye kandi bakagenerwa agahimbazamusyi.

Ibitekerezo bizaba byavuye mu mirenge, bizashyikirizwa Inteko y’Umuryango FPR Inkotanyi mu Karere ka Rubavu izaterana ku cyumweru gitaha, nyuma bikomereze ku rwego rw’intara ndetse no ku rwego rw’igihugu, ari na byo umukandida uzahagararira umuryango wa FPR/Inkotanyi mu matora y’Umukuru w’Igihugu yo mu 2017 azagenderaho mu kwiyamamaza.

Abanyamuryango ba FPR Inkotanyi mu Murenge wa Gisenyi basaba ko urubyiruko rwajya ruhabwa imyitozo ya gisirikare
Sheikh Kibata Abdulkalim avuga ko urubyiruko rwigishijwe igisirikare rwazabasha kurinda ubusugire bw'igihugu cyarwo
Abanyamuryango b'andi mashyaka bari bifatanyije n'aba FPR Inkotanyi mu Nteko rusange
Umurenge wa Gisenyi kandi wanashimiwe kuba warabaye uwa mbere mu karere ka Rubavu mu mihigo ya 2015/2016

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved