Rubavu: Ababyeyi barasabwa kudatererana abakobwa babyariye mu rugo

Yanditswe na Mukwaya Olivier
Kuya 12 Werurwe 2018 saa 09:42
Yasuwe :
0 0

Mu gihe Akarere ka Rubavu kari mu tugaragaramo abakobwa benshi babyarira iwabo, ababyeyi bakanguriwe kubitaho aho kubatererana mu bibazo baba bahuye na byo.

Babisabwe mu biganiro Imbuto Foundation ku bufatanye n’Ikigo Vision Jeunesse Nouvelle bagiranye mu mirenge igize Akarere ka Rubavu, irimo Nyakiriba na Busasamana kuva ku itariki ya 8 Werurwe 2018.

Rimwe na rimwe abakobwa ngo iyo batwaye inda imiryango yabo ikananirwa kubyakira irabirukana nk’uko hari ababitanzemo ubuhamya.

Umukozi wa Imbuto Foundation mu mushinga wo kwita ku buzima bw’imyororokere, Mireille Batamuliza, yagiriye inama abakobwa kwirinda ibishuko bibagusha mu gutwara inda zitateguwe asaba n’ababyeyi kudatererena abahuye n’ikibazo cyo kubyarira iwabo.

Ati “Uyu munsi twawuhariye gukangurira ababyeyi n’umuryango nyarwanda kurushaho kwakira neza aba bakobwa baba bahuye n’ibibazo. Babyeyi iyo mumwirukanye mwibaza ko agiye hehe? Ababyeyi mugomba kumenya ko ikibazo kidakemurwa n’ikindi. Mujye mwibuka ko uko muhangayika mutwite mukeneye ubitaho na bo baba bakeneye ubitaho.’’

Umuyobozi n’Ikigo Vision Jeunesse Nouvelle, Munyampenda Damien, yavuze ko abangavu bakwiye kwitabwaho bakigishwa ibijyanye n’ubuzima bw’imyororokere, bikabafasha kudatwara inda zitateguwe.’’

Umwe mu bakobwa bagize ibyago akabyarira iwabo inshuro ebyiri yatanze ubuhamya bw’ibyamubayeho ashishikariza abakobwa kutazagwa mu mutego yaguyemo.

Yagize ati “Bakobwa bagenzi banjye umara gutwara inda bakakwihakana uwayiguteye ntazongere no kwifuza kukuvugisha na rimwe. Njye byambayeho kuko ntwara inda bwa mbere naratashye njya mu rugo ababyeyi birarabagora kubyakira baranyirukana, mu muryango ndacibwa.”

Numvaga nta gaciro mfite mu bantu nkirirwa nikingiranye mu nzu kugeza ubwo ubuyobozi bwadushyize hamwe na bagenzi banjye. Ndasaba abakobwa mujye mutekereza mubashe kuvuga oya mu byo abasore bababwira.”

Akarere ka Rubavu gakunze kugaragaramo umubare munini w’abakobwa b’abangavu babyarira mu rugo aho umwaka ushize abasaga 631 bahuye n’iki kibazo nk’uko byatangajwe n’umukozi wako ushinzwe ubuzima, Umulisa Francine.

Abanyeshuri bari bitabiriye ibiganiro
Mireille Batamuliza, Umukozi wa Imbuto Foundation mu mushinga wo kwita ku buzima bw'imyororokere

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza