Kwamamaza

RSB yasabye inganda n’abacuruza ibyuma by’ubwubatsi kwita ku buziranenge bwabyo

Yanditswe kuya 30-09-2016 saa 18:05' na Jean Pierre Tuyisenge


Ubuyozi bw’Ikigo cy’Igihugu gitsura ubuziranenge, RSS burasaba abantu bose bafite aho bahuriye n’icuruzwa cyangwa ikorwa ry’ibyuma by’ubwubatsi kwitwararika ibipimo by’ubuziranenge, kuko iyo bititaweho bigira ingaruka ku bantu benshi zirimo n’impfu.

Umuyobozi Mukuru w’icyo kigo, Dr Mark Cyubahiro Bagabe yabisabye ubwo yari mu kiganiro n’abanyamakuru kuri uyu wa Gatanu tariki ya 30 Nzeri 2016, nyuma yo kubereka laboratwari zikoreshwa mu gupima ibikoresho bitandukanye by’ubwubatsi.

Dr Cyubahiro yavuze ko iyo ibyo bipimo by’ubuziranenge bititaweho bituma inzu zubakwa zitamara kabiri ndetse zagwa zikica abantu benshi.

Yagize ati “ Impamvu tuvuga kuri ibi bikoresho ni uko iyo inyubako ihirimye ihitana abantu benshi kuko si cyane wasanga inzu irimo umuntu umwe. Turifuza ko inyubako zubakwa zifite ibikoresho byujuje ubuziranenge, bikanadufasha kugira inyubako ziramba.”

Dr Cyubahiro avuga ko iki kigo cyagiye gihura n’abacuruzi bakora amanyanga bakinjiza ibikoresho bitujuje ubuziranenge ndetse basabwa kubisubizayo, bakabinyuza mu zindi nzira bakongera bakabigarura ku isoko.

Yakomeje asaba abacuruzi kugira ubunyangamugayo, birinda gucuruza ibikoresho bitujuje ubuziranenge cyane ko ngo hari abantu benshi bafungiwe basabwa kuzuza amabwiriza kugeza igihe babyubahirije.

Aya mabwiriza aje nyuma y’aho ku wa Kabiri tariki ya 14 Gicurasi mu mwaka wa 2013, mu mujyi wa Nyagatare, inzu y’igorofa yari ikiri kubakwa y’uwitwa Eng. Barigye Geoffrey yaguye.Icyo gihe, uwari Umuvugizi wa Polisi mu Ntara y’Iburasirazuba, Supt Semuhungu Christophe yatangarije IGIHE ko iyi mpanuka yagwiriye abagera kuri 45 bayikoragamo.

Ubuyobozi bw’iki kigo buvuga ko ingaruka ziterwa n’isenyuka ry’amazu hirya no hino ku Isi atujuje ubuziranenge, ari zo zatumye RSB ikaza ingamba zo gupima ibi bikoresho.

RSB ifite imashini zipima ubuziranenge bw’ibikoresho bitandukanye bikoreshwa mu bwubatsi zirimo nk’izipima fer à beton, Impombo z’amazi, umucanga, amatafari, insinga z’amashanyarazi, amabati n’ibindi. Si ibi gusa kuko bafite n’izindi Laboratwari zipima ubuzirange bw’ibikoresho bitandukanye.

Dr. Mark Cyubahiro Bagabe, Umuyobozi mukuru wa RSB
Imashini ipima ubuziranenge bwa Sima
Imashini ipima Ubuziranenge bw'amatafari
Imashini ipima ubuziranenge bwa fer à beton
Imashini ipima amabati
Imashini ipima impombo z'amazi
Metero y'Ifatizo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved