Kwamamaza

RHA yakomoje ku mpamvu amabati ya ’Asbestos’ ataracika

Yanditswe kuya 12-10-2016 saa 13:39' na Jean Pierre Tuyisenge


U Rwanda rwatekereje ku kwigizayo nyirantarengwa yari yarashyizweho ngo isakaro rya ’Asbestos’ ribe ryamaze gukurwa ku nyubako za Leta, gusa ubuyobozi bw’ikigo cy’Igihugu cy’imiturire RHA buvuga ko impamvu z’ubushobozi zabereye intambamyi uwo mushinga.

Iki kigo cyari kihaye ko mu mpera z’umwaka wa 2016 iri sakaro rizaba ritakirangwa ku nyubako, gusa Gisele Ihozo, Umuhuzabikorwa w’umushinga wo guca iri sakaro muri RHA yavuze ko igihe bari barihaye cyo kuba ryakuweho bigoye kucyubahiriza.

Muri Gicurasi umwaka ushize, ubuyobozi bwa RHA bwatangaje ko buteganya gukuraho ubuso bungana na Metero Kare 800,000 bw’isakaro n’ibikoresho byose bikoze muri Asbestos bitarenze umwaka wa 2016.

Mu cyumweru gishize,Ihozo yavuze ko inyigo yakozwe n’iki kigo mu kwezi kwa kane 2016 cyasanze mu gihugu hose hari ubuso bungana na Metero Kare 912,000 bw’ibikoresho n’isakaro rikoze muri Asbestos, bitandukanye na 800,000 byari byateganyijwe.

Yaba ibigo bya Leta cyangwa iby’abikorera ku giti cyabo bavuga ko ari ibintu bisaba ubushozi buhanitse.

RHA ivuga ko bateganya ko Leta yashyiramo miliyari esheshatu z’amafaranga y’u Rwanda aho kubiharira ibigo cyangwa inzego ubwazo.

Yagize ati “ Twizera ko ari byo bihendutse kurusha kubiharira bamwe na bamwe”. Yasobanuye ko hakenewe Ingengo y’imali ingana na miliyari esheshatu kugira ngo hakurweho ubuso bungana na metero kare 520,000 z’iryo sakaro ku nyubako za Leta.

Mu gihe Leta yaba irangije , haba hasigaye inyubako za Kiliziya n’iz’imiryango imwe n’imwe n’izindi nkeya z’abikorera ku giti cyabo.

Iri sakaro ryakunzwe cyane mu minsi yashize ubwo abantu barikundiraga kuramba, n’ubushobozi bwaryo mu gihe haba habaye inkongi. Gusa mu mwaka wa 1980, byaje kugaragara ko iyo umuntu ahumetse uduce twaryo bigira ingaruka ku buzima zirimo Kanseri n’izindi zidakira.

Mgr. Phillipe Rukamba, Umushumba wa Diyoseze ya Butare akaba n’umuvugizi wa Kiliziya Gatolika mu Rwanda, yavuze ko gukura iri sakaro ku nyubako zabo bizajya bikorwa gahoro gahoro kuko ngo amafaranga bikeneye ni menshi kuburyo atahita abonekera rimwe.

Ati “ Hari aho usanga dufite amazu nka 50 yose asakaje ariya mabati bizasaba amafaranga menshi kugira ngo tuyakureho. Dubikora gake gake bitewe n’uko ubushobozi bubonetse. Turabizi ko ari ikibazo ariko twemera ko tuzayakuraho."

Amabwiriza yasohotse mu Igazeti ya Leta yo muri Gicurasi 2015 yavugaga ko buri muntu wese ufite isakaro rya Fibrociment agomba kwihutira kurikuraho.

Amakompanyi yigenga 620, imfungwa n’abapolisi bahuguwe n’Ikigo cy’igihugu cy’imiturire RHA, ndetse ahantu hagera kuri 17 hazatabwa iryo sakaro hamaze gutegurwa hirya no hino mu turere.

Isakaro rya Fibrociment

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved