RDF yahaye ikaze abasore n’inkumi banyotewe no kuba abasirikare

Yanditswe na Philbert Girinema
Kuya 5 Ukwakira 2016 saa 01:29
Yasuwe : XX
0

Ubuyobozi bw’Ingabo z’u Rwanda bwatangaje ko bwifuza Abanyarwanda bashaka kuba abasirikare ngo barinde ubusugire bw’igihugu, bazanabashe gutanga umusanzu mu kubungabunga amahoro ahandi.

Mu itangazo ubu buyobozi bwashyize ahagaragara, bwamenyesheje Abanyarwanda bose batari munsi y’imyaka 18 kandi batarengeje 21 bifuza kwinjira mu Ngabo z’u Rwanda ko bakwiyandikisha ku turere babarurirwamo.

Mu bisabwa kugira ngo umusore cyangwa inkumi yemererwe gutangira amasomo azatuma avamo umusirikare w’umwuga; kuba ari ingaragu, afite ubuzima buzira umuze, kuba atarigeze afungwa kandi afite nibura amashuri atatu yisumbuye.

Mu byangombwa bisabwa kugira ngo umuntu yemererwe kwiyandikisha, birimo fotokopi y’indangamuntu, icyemezo cyerekana amashuri usaba yize, icyemezo cy’uko ari ingaragu, icyemezo cy’ubudakemwa mu mico no mu myifatire gitangwa n’ubuyobozi bw’Umurenge ndetse n’icyemezo cy’uko atakatiwe n’inkiko.

Kwiyandikisha birakorerwa mu turere usaba yababaruriwemo kuva kuri uyu wa Gatanu Ukwakira 2016 nyuma abiyandikishije bazamenyeshwa gahunda yo gukora ibizamini.

Usibye kubungabunga umutekano n’ubusugire bw’igihugu, abasirikare b’u Rwanda banatanga umusanzu mu bindi bihugu. Kugeza ubu, u Rwanda rufite abasirikare basaga ibihumbi bitanu bari hirya no hino mu butumwa bw’amahoro mu bihugu bitandukanye birimo Centrafrique, Sudani y’Epfo hamwe n’abari i Darfur muri Sudani.

Ingabo z'u Rwanda zimaze kuba ubukombe hose
Ni abasirikare bagaragaza imbaraga z'umubiri
N'abakobwa bemerewe kwinjira mu gisirikare cy'u Rwanda
Abasore batari munsi y'imyaka 18 kandi batarengeje 21 nibo bemerewe kwiyandikisha
Ingabo z'u Rwanda zibungabunga amahoro mu bihugu bitandukanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza