Kwamamaza

RDC: Abantu 17 bapfuye nyuma y’igihuha cyakuye umutima umusirikare wa Leta

Yanditswe kuya 26-09-2016 saa 09:33' na Tombola Felicie


Mu mujyi wa Beni muri Kivu y’Amajyaruguru, abantu 17 babuze ubuzima abandi biganjemo abana baburirwa irengero nyuma yo kwikanga amasasu yarashwe n’umusirikare mu Ngabo za Congo wikanze inyeshyamba za ADF (Allied Democratic Forces)zirwanira mu mashyamba ya Repubulika Iharanira Demukarasi ya Congo.

Radio Okapi yatangaje ko ibi byabaye ku wa Gatandatu tariki ya 24 Nzeri 2016, ubwo umusirikare mu ngabo za Leta utari wambaye umwenda w’akazi yarashe urufaya rw’amasasu mu kirere abantu bagakuka umutima ndetse abatari bake bagakwira imishwaro. Ibi byakurikiye igihuha cyari cyatangajwe ko inyeshyamba za ADF zisanzwe zirwanya Leta ya Uganda zaba zateye ako gace.

Jean-Paul Kapitula, Umuyobozi ushinzwe gucunga umutekano w’abasivile mu mujyi wa Beni, yatangaje ko muri iyo nsanganya abantu 17 bapfuye barimo 15 bapfuye barohamye dore ko imvura yari nyinshi muri ako gace.

Kapitula yagize ati "Ubwo ibyo byabaga, hagwaga imvura nyinshi cyane, hari abana baburiwe irengero. Turacyashakisha abo bana, baciye mu mihanda ya Mangina, Butembo ndetse n’indi mihanda nka Oïcha. Dufite abantu 15 bapfuye barohamye ndetse n’abandi babiri bazize iyo nsanganya, gusa turacyategereje ko hari abandi bashobora kuboneka."

Umuyobozi w’Umujyi wa Beni, Nyonyi Bwanakawa, yahamagariye abaturage bahunze kugaruka mu ngo zabo bitewe n’uko umutekano ari wose muri aka gace.

Ati "Habayeho ukwikanga gukomeye tariki ya 24 Nzeri ,kuri ubu umujyi wacu wagarutsemo amahoro,ndasaba abaturage bahungiye Mangina, Butembo n’ahandi ko buri wese yagaruka iwe kuko nta kibazo gihari.”

Umusirikare warashe mu kirere agateza ubwoba mu baturage ndetse abandi bakahasiga ubuzima , ari mu maboko y’igisirikare muri uwo mujyi wa Beni kugira ngo akurikiranwe.

Inyeshyamba za ADF zakunze kwibasira abaturage bo mu bice bya Congo bitandukanye cyane agace ka Beni kuko imibare igaragaza ko mu mwaka ushize, abarenga 400 bo muri aka gace bishwe n’abarwanyi b’uyu mutwe.

Umujyi wa Beni ni umwe mu mijyi yibasirwa cyane n'inyeshyamba za ADF

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved