00:00:00 IGIHE NETWORK KN KINYARWANDA EN ENGLISH FR FRANCAIS

RDB yahurije ibigo by’imari iciriritse mu nama yo gusuzuma no kunoza gahunda yo kwigira ku murimo

Yanditswe na Mukahirwa Diane
Kuya 30 Nzeri 2021 saa 11:33
Yasuwe :
0 0

Urwego rw’Igihugu rushinzwe Iterambere (RDB) rwahurije mu nama ibigo bihuriye mu ishyirahamwe ry’ibigo by’imari biciriritse mu Rwanda (AMIR), mu gutegura uburyo gahunda yo kwigira ku murimo izwi nka ‘Dual Apprenticeship system in the Microfinance sector’ yarushaho gukora neza no gutanga umusaruro.

Iyi gahunda yo kwimenyereza umwuga ikorwa na AMIR, Rwanda Institute of cooperatives Entrepreneurship and Microfinance (RICEM) na German Sparkassenstiftung Eastern Africa (DSIK Rwanda), aho hafatwa abanyeshuri barangije icyiciro cya kabiri cya kaminuza mu bijyanye n’imari ndetse n’abakozi basanzwe b’ibigo by’imari bagahabwa ubumenyi bwisumbuyeho mu kazi.

Abanyeshuri barangije kwiga batoranywa mu basabye kwimenyereza umurimo muri RDB, bakoherezwa mu bigo by’imari biciriritse bakajya bahabwa ubumenyi 80% bari mu kazi ndetse na RICEM ikabaha 20% bari kumwe n’abasanzwe bakora mu bigo by’imari.

Iyi ni gahunda ifasha urubyiruko rurangije ndetse n’ibigo by’imari kuko bituma ku isoko ry’umurimo hajyaho abakozi bazobereye mu kazi bagiyemo. Ibigo by’imari bibona abakozi b’inzobere ndetse n’abo banyeshuri bakoroherwa no kubona akazi.

Abitabiriye iyi nama bagaragaje ko gahunda yo kwigira ku murimo yatanze umusarururo ku buryo n’abandi bakwiye kiyishishikarira.

Umuyobozi Mukuru ushinzwe guteza imbere umurimo muri Minisiteri y’Abakozi ba Leta n’Umurimo, Mwambari Faustin, yavuze ko iyi gahunda itanga umusaruro anashishikariza urubyiruko kuyitabira.

Yagize ati “Iyi gahunda yarafashije cyane kuko urubyiruko rubasha kubona ibyifuzwa ku isoko ry’umurimo bikabongerera amahirwe yo kubona akazi.”

Yakomeje ati “Turashishikariza urubyiruko cyane cyane urwize kaminuza kwitabira gahunda yo kwigira ku murimo kuko itanga amahirwe menshi yo kubona umurimo.”

Yaboneyeho umwanya wo gusaba abikorera guha amahirwe urubyiruko rukabasha gukurikirana iyi gahunda.

Umuyobozi wa German Sparkassenstiftung Eastern Africa (DSIK Rwanda) itera inkunga iyi gahunda, Maria Knappstein, nawe yavuze ko itanga umusaruro kuko abanyeshuri n’abakozi bahabwa ubumenyi buhagije bubafasha kwinjira neza ku isoko ry’umurimo no kunoza ibyo basanzwe bakora.

Yagize ati “Abanyeshuri baza kwigira ku murimo, amasomo bigira mu ishuri ariko akaza naho ako kazi gakorerwa, tubigisha gukora mu mashami atandutanye yo mu bigo by’imari. Tubaha amasomo atandatu amara igihe cy’umwaka.”

Amasomo atangwa muri iyi gahunda harimo ajyanye n’Ibaruramari, Imenyekanishabikorwa, gukora mu ishami rishinzwe inguzanyo ndetse n’Ubugenzuzi.

Umukozi ushinzwe gahunda zihariye muri RDB, Ngoboka François, yavuze ko iyi gahunda yatanze umusaruro ku bigo by’imari biciriritse kuko bibafasha kubona abakozi bafite ubumenyi buhagije.

Yagize ati “Twafatanyije na RICEM kugira ngo urubyiruko rubone ubumenyi, ntabwo ibigo by’imari iciriritse byari bifite uburyo bihugura abakozi babyo, twafatanyije n’ibi bigo kugira ngo habeho iyi gahunda yo guhugura abarangije amakaminuza. Ibyo bize bakabijyana muri bya bigo twe tubona bitanga umusaruro.”

Muramira Conseille, ukurikirana iyi gahunda mu Karere ka Rubavu yavuze ko kuva yayigeramo hari byinshi yungutse bizamufasha kurushaho gukora neza akazi ke.

Dual Apprenticeship system in the Microfinance sector ikorera mu Mujyi wa Kigali no mu Karere ka Rubavu ubu ifite intego yo kugera mu gihugu hose, kugeza ubu bamaze guhugura urubyiruko rugera kuri 23. abandi 64 bakaba bari guhugurwa.

RDB yahurije hamwe ibigo by'imari iciriritse mu nama yo gukomeza gahunda yo kwigira ku murimo
Umuyobozi wa RICEM yagaragaje ko kwigira ku murimo ari gahunda ifitiye benshi akamaro
Umukozi ushinzwe gahunda zihariye muri RDB, Ngoboka François, yavuze ko iyi gahunda yatanze umusaruro ku bigo by’imari biciriritse
Umuyobozi Mukuru ushinzwe guteza imbere umurimo muri Minisiteri y’Abakozi ba Leta n’Umurimo, Mwambari Faustin yashishikarije urubyiruko kurushaho kwitabira iyi gahunda yo kwigira ku murimo
Umuyobozi wa DSIK Rwanda, Maria Knappstein yashimye ibimaze kugerwaho muri iyi gahunda yo kwigira ku murimo
Umujyanama Mukuru wa DSIK Rwanda muri iyi gahunda yo kwimenyereza umwuga, Ariane Nayituliki ni umwe mu bari bitabiriye iyi nama
Muramira Conseille, uri mu bitabiriye iyi gahunda yavuze ko izamufasha kunoza ibyo akora
Iyi nama yahurije hamwe abafite aho bahuriye na gahunda yo kwigira ku murimo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .