Radisson Blu yakiriye ababyeyi n’abana isabana nabo muri iyi minsi mikuru (Amafoto)

Yanditswe na Habimana James
Kuya 30 Ugushyingo 2019 saa 04:18
Yasuwe :
0 0

Radisson Blu Hotel and Kigali Convention Centre, yacanye igiti cya Noheli, mu gutangiza imyiteguro y’iminsi mikuru isoza umwaka wa 2019 yahujwe n’ibikorwa bifasha abana kwidagadura.

Iminsi mikuru isoza umwaka ifatwa nk’umwanya mwiza wo kwishimana n’inshuti n’abagize umuryango. Kuzirikana abakiliya bayo, Radisson Blu and KCC ikaba yabateguriye uburyo buzabafasha gusoza umwaka mu byishimo aho ababyeyi baba bazanye abana babo bagahabwa impano kandi bakishimira kuza muri iyi Hotel.

Umuyobozi ushinzwe Itumanaho no Kumenyekanisha Ibikorwa bya Radisson, Hanna Moges, yavuze ko gucana igiti ari “igikorwa dukora dutangiza iminsi mikuru isoza umwaka no kumenyekanisha ibikorwa bitandukanye dufite. Iyi rero yari inshuro ya gatatu kuko twatangiye mu 2017 kandi urabona ko abantu babaye benshi”.

Yavuze ko ari n’uburyo bwo gutuma Umujyi wa Kigali ukomeza kuba umurwa mukuru w’imyidagaduro ndetse abana bo Rwanda rw’ejo bakarushaho kwishimana.

Ati “Ubu twakiriye abantu barenga 600 kandi umwaka utaha bazarushaho kwiyongera kuko iki ni igikorwa kirushaho kumenyekana.”

Muri iki gikorwa ababyeyi batandukanye baba abavuye mu Mujyi wa Kigali no hirya no hino mu Mujyi bazana abana babo bakifotereza kuri iki giti, bagafata umwanya bakishimana n’abakozi ba Hotel, bakahafatira amafoto ndetse bagahana n’impano.

Hakizimana Emmanuel wazanye umwana we, avuga ko kuba iyo Hotel ifata umwanya igaha abana umwanya, ari igikorwa cyiza cyerekana guha agaciro abakiriya bayo.

Ati “Iyo uzanye umwana ahantu nk’aha arishima cyane kandi akarushaho kwishimira ubuzima arimo, twe nk’ababyeyi dukwiye kujya twishimira umwanya nk’uyu kuko nk’ubu urabona ko kwinjira biba ari n’ubuntu kandi mukishima uko mushoboye.”

Muri iyi minsi mikuru hazaba kandi imikino y’abana ku buntu, gusangira ku buntu tariki 25 Ukuboza n’ibindi.

Mu gusoza umwaka hazaba igitaramo kizitibarirwa n’umuhanzi Fally Ipupa.

Radisson Hotel Group ni kimwe mu bigo by’amahoteli bikomeye ku Isi, aho ifite hoteli zisaga 1400 zifite amazina akomeye nka Radisson Collection, Radisson Blu, Radisson, Radisson RED, Park Plaza , Park Inn na Country Inn & Suites.

Abana bahawe umwanya bishimishiriza muri Radisson Blu yabakiriye
Abantu barenga 600 bitabiriye uyu muhango aho abana bahabwa umwanya bakishimira ibyiza bya Radisson Blu Hotel
Buri wese aba yereka uwe ko amukunda abifashijwemo na Radisson Blu Hotel
Igiti cya Noheli kiba cyatatswe mu buryo budasanzwe
Igiti cya Noheli kiba kigaragarira buri wese waje muri ibi birori ndetse n'abandi bari mu murwa mukuru
Iyo uhageze ni uku ubona Radisson Blu Hotel buri wese aba yemerewe kwinjiramo akishimira ubuzima
Iyo uhageze wibonera uburyo iyi nyubako y'agatangaza iba ihinduranya amabara
Kuri iki giti cya Noheli buri wese araza akahafatira ifoto uko abishaka
Radisson Blu iba yatatswe ku buryo bubereye buri wese wahaje
Radisson Blu Hotel iba yatatswe mu buryo bubereye Hotel ikomeye
Radisson Blu and Convention Centre iba ibereye ijisho kuri buri wese
Uyu uba ari umwanya kuri buri wese akagarariza uwe ko amukunda

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza