Kwamamaza

Polisi yatangiye guhana imodoka zitarimo utwuma tugabanya umuvuduko

Yanditswe kuya 28-10-2016 saa 13:43' na Ntakirutimana Deus


Polisi y’u Rwanda iratangaza ko yashyize ingufu mu kugenzura ko imodoka zose zitwara abagenzi zifite utwuma tugabanya umuvuduko, ku buryo izitadufite zose zihanwa.

Utu twuma dukoze ku buryo imodoka dushyizwemo idashobora kurenza kilometero 60 mu isaha.

Mu kiganiro Polisi yagiranye n’abanyamakuru ku wa Gatanu tariki ya 28 Ukwakira 2016, Umuyobozi w’ishami rya Polisi rishinzwe umutekano wo mu muahanda, CP Rumanzi yavuze ko polisi yahagurukiye gukora igenzura ku buryo kugeza kuri uyu wa Kane imodoka zigera kuri 640 zari zamaze gushyirwamo utwo twuma.

Yagize ati “ Twashyize ingufu mu kugenzura ko imodoka zose zakagombye kuba zifite utwuma tugabanya umuvuduko zidufite.”

Ku bataradushyira mu modoka, CP Rumanzi yavuze ko hatangiye ubukangurambaga, ariko binajyana no guhana abatarabikora baba abakorera mu mujyi wa Kigali ndetse no mu ntara.

Yagize ati “ Igihe cyararenze, imodoka yose turi buhagarike itagafite turayihana, itagafite ikajya muri ’controle technique’turayima uruhushya, turifuza ko nta modoka yajya mu muhanda itagafite. Biraza gutuma abatarabikoze babikora, tuzabikora buri gihe kugeza birangiye.”

Polisi kandi yavuze ko igenzura abagerageza gucokoza utwo twuma yifashishije abapolisi bari ku muhanda, ku buryo bashobora kugenzura umuvuduko imodoka yari ifite mu gihe runaka.

Ku ruhande rwa RURA, ngo utwo twuma ntiduhenda kuko tugura hagati y’ibihumbi 200 na 300 by’amanyarwanda nkuko byatangajwe n’Umuyobozi ushinzwe gutwara abantu n’ibintu muri RURA, Emmanuel Katabarwa Asaba.

Ku bijyanye no kuba twaratinze gushyirwamo ngo habanzaga kugenzurwa uko twakoreshwa mu buryo budateza ikibazo, kuko hari ibihugu dukoreshwamo ariko ntibukemure ibibazo twazaniwe.

Utagashyize mu modoka ye ahanishwa amande nk’ay’abakoze andi makosa mu muhanda ndetse uwahanwe ntagashyiremo iyo amaze iminsi 14 akongera gufatwa imodoka ye irafungwa.

Utwo twuma ngo tuzashyirwa mu modoka ziri hagati y’ibihumbi birindwi n’umunani.
Uretse imodoka zitwara abantu n’imizigo, polisi yatangaje ko tuzashyirwa no mu modoka za polisi ndetse n’iz’ingabo z’u Rwanda.

Nubwo izindi modoka z’abantu ku giti cyabo zitazashyirwamo utwo twuma, ntibizabuza ko na zo zitagomba kurenza umuvuduko wa kilometero 80 ku isaha.

Impanuka zabaye muri uku kwezi zahitanye abagera kuri 53 zikaba zirimo iyabereye mu Karere ka Kamonyi igahitana abantu 11, naho abakomeretse bose bagera kuri 55.

Umuvugizi wa Polisi y'u Rwanda ACP Theos Badege
Abanyamakuru mu kiganiro na Polisi y'u Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved