Perezida Talon yasuye RDB na Special Economic Zone yerekwa intumbero y’u Rwanda

Yanditswe na Ishimwe Israel, Philbert Girinema
Kuya 30 Kanama 2016 saa 01:39
Yasuwe : XX
0

Perezida Patrice Talon yasuye Ikigo cy’Igihugu cy’Iterambere, RDB, asobanurirwa serivisi gitanga harimo kwaka ibyangombwa bitandukanye hifashishijwe ikoranabuhanga.

Aherekejwe na Minisitiri w’Umutungo Kamere, Vincent Biruta ,Ambasaderi w’u Rwanda muri Benin, Stanislas Kamanzi na Francis Gatare, Umuyobozi wa RDB hamwe n’abandi batandukanye; Perezida Talon yasobanuriwe serivisi Ikigo gishinzwe Iterambere kigeza ku Banyarwanda cyane hifashishijwe ikoranabuhanga ndetse na gahunda z’igihugu mu iterambere.

Yasobanuriwe byimbitse ku bijyanye no gufunguza ikigo cy’ubucuruzi hifashishijwe ikoranabuhanga, serivisi za Irembo zirimo gusaba ibyemezo by’amavuko n’ibindi bitandukanye nyuma yerekeza mu gace kahariwe inganda kazwi nka Special Economic Zone i Ndera mu Karere ka Gasabo.

Muri Special Economic Zone, abafite inganda zirimo uruteranya mudasobwa rwa Positivo BGH n’urukora imyenda C&H Garments Ltd rufite abakozi basaga 900 zamumurikiye ibikorwa byazo.

Ubwo yakirwaga na Perezida Kagame hamwe n’abandi bayobozi bakuru b’igihugu ku mugoroba wo kuri uyu wa Mbere, Perezida Talon yavuze ko yashakaga gusura iki gihugu kugirango agaragaze uko Benin na Afurika muri rusange baterwa ishema n’imiyoborere myiza gifite.

Yagize ati “Iki gihugu cyamenyekanye kubera amateka yacyo mabi ariko ubu cyongeye kumenyekana kubera ubuyobozi bwacyo bwiza. Ndashaka gushimira Perezida Kagame n’Abanyarwanda muri rusange ku gaciro mwatugaruriye nk’Abanyafurika.”

Perezida Talon uruzinduko rwe mu Rwanda rwatangiye kuri uyu wa Mbere bikaba biteganyijwe ko ruzasorwa kuwa Gatatu tariki ya 31 Kanama 2016.

Perezida Talon [wambaye ishati y'umweru iburyo] asobanurizwa serivisi zitangwa na RDB

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza