Kwamamaza

Perezida Kagame yihanganishije abanya-Cuba ku bw’urupfu rwa Fidel Castro

Yanditswe kuya 27-11-2016 saa 08:17' na IGIHE


Perezida Paul Kagame yifurije iruhuko ridashira Fidel Castro wayoboye Cuba akaza kwitaba Imana kuri uyu wa Gatandatu tariki ya 26 Ugushyingo 2016.

Fidel Castro ni umwe mu bayobozi bakomeye Isi yagize mu kinyejana cya 20 ndetse benshi mu bakuru b’ibihugu barase ubutwari bwamuranze mu myaka 90 yari amaze ku Isi.

Abicishije ku rukuta rwe rwa Twitter, Perezida Kagame yavuze ko Fidel Castro yabayeho mu buzima bwo guharanira ukwibohora gusesuye ndetse anafata mu mugongo abanya-Cuba ku bw’urupfu rwe.

Perezida Kagame yafashe mu mugongo abanya-Cuba ku bw'urupfu rwa Castro

Castro wabaye umuyobozi w’impinduramatwara ya gikomunisiti yabayeho mu gice cya kabiri cy’ikinyejana, yayoboye Cuba mu gihe kigera hafi ku myaka 50 kugeza ahaye ububasha bwe umuvandimwe Raul mu 2008.

Abamushyigikiye bavuga ko ari umuntu wasubije igihugu cya Cuba mu maboko y’abaturage. Muri Mata, Fidel Castro yatanze ijambo ku munsi wa nyuma wa kongere y’ishyaka ry’abakomunisite; yemera ko ashaje ariko anahamya ko amahame ya gikomunisite akiriho kandi abaturage b’igihugu cye batsinze.

Ati “Ngiye kugira imyaka 90! Ni ibintu ntigeze ntekereza. Mu minsi ya vuba nzaba ndi nk’abandi… igihe cyacu kizagera kuri twese!”

Amwe mu matariki y’ingenzi yaranze ubuzima bwe

-  Kuwa 13 Kanama 1926: Fidel Castro yavukiye mu Majyepfo y’Uburasirazuba bw’Intara ya Oriente muri Cuba.

-  1953: Yarafunzwe nyuma yo kugaba igitero kigamije guhirika ubutegetsi bwa Perezida Fulgencio Batista ariko bikaza gupfuba, aza gufungurwa ku mbabazi za Perezida mu 1955.

-  Mu 1956 we na Che Guevara batangije bundi bushya urugamba rwo gukuraho Guverinoma, ndetse baza kurutsinda maze mu 1959 Fidel Castro arahirira kuba Ministiri w’Intebe.

-  Mu 1960 ingabo za Brigade 2506 zari zigizwe n’Abanya-Cuba bari mu buhungiro, ku nkunga y’ibiro by’ubutasi by’Abanyamerika (CIA), zashakatse gukuraho Guverinoma ya Fidel Castro. Izo ngabo zari zagabye igitero ziturutse muri Guatemala na Nicaragua, iza Cuba zari ziyobowe na Fidel Castro ubwe, zatsinze urwo rugamba mu minsi itatu gusa. Aha hakaba ari na ho hatumye urwango hagati ya Cuba na Amerika rufata indi ntera.

-  Mu 1962, Fidel Castro yumvikanye n’Ihuriro ry’ibihugu bigendera ku matwara ya gisosiyalisiti ku kuzana ibisasu bya kirimbuzi muri Cuba, byongera amahari hagati y’icyo gihugu na Amerika.

-  Mu 1976, Fidel Castro Inteko Ishinga Amategeko yamutoreye kuba Perezida wa Cuba, maze mu 1992 aza kubasha kumvikana na Amerika, banasinyana amasezerano arebana n’impunzi z’Abanya-Cuba.

-  Mu 2008, ku mpamvu z’ibibazo by’ubuzima, Fidel Castro yarekuye ubutegetsi yari amazeho imyaka 32 ari Perezida, abusigira murumuna we Raul Castro.

Perezida Kagame yavuze ko Castro yabayeho mu buzima bwo guharanira ukwibohora gusesuye

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved