00:00:00 IGIHE NETWORK KN KINYARWANDA EN ENGLISH FR FRANCAIS

Perezida Kagame yayoboye Inama y’Abaminisitiri

Yanditswe na IGIHE
Kuya 12 Ugushyingo 2021 saa 06:54
Yasuwe :
0 0

Perezida Paul Kagame yayoboye Inama y’Abaminisitiri yabaye ku mugoroba wo kuri uyu wa Gatanu, tariki ya 12 Ugushyingo 2021 muri Village Urugwiro.

Mu butumwa bwanyujijwe kuri Twitter y’Ibiro bya Perezida ntihasobanuwe ingingo ziganirwaho izo ari zo.

Inama nk’iyi yaherukaga kuba ku itariki ya 13 Ukwakira, ikaba yarafatiwemo imyanzuro itandukanye irimo n’ijyanye n’ingamba zo kurwanya Covid-19.

Icyo gihe amasaha ntarengwa y’ingendo yashyizwe kuri saa sita z’ijoro zikongera gusubukurwa saa kumi za mu gitondo naho ibikorwa byose byemerewe gukomeza gukora bigenerwa gufunga saa tanu z’ijoro.

Iyi nama iteranye mu gihe imibare y’abandura Covid-19 imaze kugabanuka mu buryo bufatika. Nko ku ri uyu wa Kane abantu bashya banduye bari 28 mu gihe umwe ari we wahitanywe na yo naho umwe ni we wajyanywe mu bitaro.

Abantu 59.461 bahawe doze ya mbere y’urukingo rwa Covid-19, bituma umubare w’abamaze w’abamaze kuyihabwabagera kuri 4.775.538 naho 99.516 bahawe doze ya kabiri bituma umubare ugera kuri 2.520.113.

Inama y'Abaminisitiri yateranye kuri uyu wa Gatanu, iyobowe na Perezida Kagame

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .