Perezida Kagame yasuye indege Airbus 330-200 iherutse kugurwa na RwandAir

Yanditswe na Uwishyaka Jean Louis
Kuya 5 Ukwakira 2016 saa 08:05
Yasuwe :
0 0

Perezida wa Repubulika Paul Kagame yasuye indege nshya ya rutura, Airbus 330-200 iherutse kugezwa mu Rwanda na sosiyete nyarwanda ikora ingendo zo mu kirere, RwandAir.

Iyi ndege yahawe izina ry’Ubumwe, yagejejwe mu Rwanda ku wa 28 Nzeri 2016, iturutse mu Bufaransa aho yakorewe.

Kuri uyu wa Gatatu tariki 5 Ukwakira 2016, Perezida Kagame yabonanye n’abayobozi ba sosiyete RwandAir,anareba indege Airbus 330-200 yari yahuruje abatari bake ubwo yagezwaga i Kigali.

Iyi ndege yaguzwe miliyoni 250 z’amadolari (asaga miliyari 200 z’amafaranga y’u Rwanda), ikaba ari iya cyenda RwandAir iguze.

Ifite imyanya 244,irimo 20 yiyubashye (Business Class), 24 yo mu myanya yisumbuyeho (Premium) na 200 isanzwe.

Mu myanya y’icyubahiro, ifite umwihariko wo kugira igitanda umuntu ashobora kuryamaho n’intebe zifasha kugorora umubiri (massage), televiziyo imbere ya buri muntu wese, internet ndetse n’uburyo bwo kongera no kugabanya urumuri bitewe n’amasaha.

Perezida Kagame asuye iyi ndege nyuma y’aho ashimiwe n’abayobozi inama yabagiriye yo kutegurira RwandAir abikorera ahubwo leta igashoramo imari kugira ngo irusheho gutera imbere, byatumye igira ingufu inagera ku gikorwa cy’indashyikirwa cyo kugura indege nk’iyo.

Soma inkuru bijyanye Indege ya mbere nini ya RwandAir yageze i Kigali iguzwe miliyari zisaga 200

Yanabonanye n'abayobozi ba sosiyete ya RwandAir yaguze iyi ndege
Perezida Kagame yasuye iyi ndege ndetse anayicaramo
Indege ya Airbus 330-200 yaguzwe akayabo ka Miliyari 200 z'amanyarwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza