Kwamamaza

Perezida Kagame yasabye ubufatanye bw’ibihugu bya Afurika mu kurwanya ibyaha by’ikoranabuhanga

Yanditswe kuya 31-08-2016 saa 15:38' na Ezechiel Mbananabo


Perezida Paul Kagame yasabye ibihugu bya Afurika gufatanya mu kurwanya ibyaha bikorwa hakoreshejwe ikoranabuhanga kuko biteye impungenge kubera iterambere ry’ikoranabuhanga mu guhanahana amakuru rigenda ryiyongera.

Yabitangaje kuri uyu wa Gatatu ubwo yatangizaga ku mugaragaro inama ya 18 y’Umuryango Uhuza Abayobozi ba Polisi mu bihugu byo muri Afurika y’Uburasirazuba, (EAPCCO), ikaba ari iya gatatu ibereye mu Rwanda.

Yagize ati “Umugabane wa Afurika ufite umuvuduko mu iterambere ry’ikoranabuhanga bituma hakenerwa imbaraga nyinshi zo gukumira ibikorwa byashingira kuri iryo koranabuhanga bihungabanya umutekano w’abantu n’ibintu mu bihugu. Tugomba gusangira amakuru hakabaho n’ubufatanye na polisi mpuzamahanga mu rwego rwo kurwanya ibyaha.”

Umuyobozi Mukuru wa Polisi y’u Rwanda,IGP Gasana Emmanuel, yavuze ko ibyaha bikorwa hifashijwe ikoranabuhanga mu Rwanda bitarakomera ariko ko bihari aho usanga bigaragara mu mabanki no muri za mudasobwa nubwo polisi igenda ibirwanya.

Umunyamabanga Mukuru wa Polisi Mpuzamahanga,Interpol, Dr. Jurgen Stock yashimye uburyo iyi nama yateguwe n’intambwe u Rwanda rumaze gutera mu guhangana n’ibyaha bikorwa hifashishijwe ikoranabuhanga ndetse.

Yanasabye kandi ibigo gushyiraho uburyo bwo kurinda za mudasobwa zabo mu rwego kwirinda abajura mu by’ikoranabuhanga binjira mu mabanga y’abantu (Hackers).

Mu byaha by’ikoranabuhanga harimo ubujura bw’amakuru yibwa muri za mudasobwa, inyerezwa ry’amafaranga, uruhererekane rw’amakuru aganisha ku bucuruzi bw’abantu,gukwirakwiza inzandiko z’iterabwoba n’ibindi.

Abashakashatsi bo mu bigo bibiri bitanga serivisi z’ubwirinzi bwa mudasobwa, baherutse gutangaza ko bavumbuye itsinda ry’abajura mu by’ikoranabuhanga bagabye ibitero byo kuneka amabanga y’ibihugu birimo u Burusiya, u Bushinwa, Iran, u Rwanda, u Bubiligi na Suède.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved