Perezida Kagame yakiriye Umunyamabanga Mukuru wungirije wa Loni (Amafoto)

Yanditswe na Philbert Girinema
Kuya 1 Ugushyingo 2016 saa 03:25
Yasuwe : XX
91 54

Perezida Kagame yakiriye muri Village Urugwiro Umunyamabanga Mukuru wungirije w’Umuryango w’Abibumbye, Jan Eliasson, uri mu ruzinduko rugamije kugirana ibiganiro n’abayobozi batandukanye b’u Rwanda.

Eliasson mbere yo guhura na Perezida Kagame, yaganiriye na Minisitiri w’Ububanyi n’Amahanga, Louise Mushikiwabo; Minisitiri w’Imari n’Igenamigambi, Amb. Claver Gatete; Minisitiri ushinzwe impunzi n’ibiza, Seraphine Mukantabana; Perezida w’Inteko Ishinga Amategeko umutwe w’Abadepite, Donatille Mukabalisa n’abandi.

Ibiganiro bya Perezida Kagame na Jan Eliasson byitabiriwe na Lamin Manneh, umuhuzabikorwa w’amashami ya Loni mu Rwanda ndetse na Amb. Rugwabiza Valentine, uhagarariye u Rwanda mu Muryango w’Abibumbye.

Kuri uyu wa Mbere ubwo Eliasson yasuraga urwibutso rwa Jenoside rwa Gisozi, yavuze ko Jenoside yakorewe Abatutsi mu 1994 ari ugutsindwa kwa Loni, asaba ibihugu kuhakura isomo ryo kujya bigira igikorwa mu gihe hakigaragara ibimenyetso ko amahano yaba agiye kuba.

Yasobanuriwe amateka ya Jenoside yakorewe Abatutsi kuva igitutumba, iminsi yayo ya mbere ndetse n’urugendo rwayikurikiye, agera ku cyiciro kigaragaza uko mu Rwanda hoherejwe intumwa z’Umuryango w’abibumbye ariko ntizibashe guhagarika Jenoside.

Ati “Uku ni ugutsindwa gukomeye k’umuryango w’abibumbye, ni ugutsindwa gukomeye.’’

Perezida Kagame yakiriye Umunyamabanga Mukuru wungirije w’Umuryango w’Abibumbye, Jan Eliasson
Perezida Kagame aganira na Jan Eliasson

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE