00:00:00 IGIHE NETWORK KN KINYARWANDA EN ENGLISH FR FRANCAIS

Perezida Kagame yakiriye Umunyamabanga Mukuru wa EAC

Yanditswe na Ndahayo Emmanuel
Kuya 6 Gicurasi 2021 saa 05:53
Yasuwe :
0 0

Perezida Paul Kagame yakiriye Umunyamabanga Mukuru mushya w’Umuryango wa Afurika y’Iburasirazuba, EAC, Peter Muthuki n’itsinda ayoboye, aho bari mu rugendo ruzazenguruka u Rwanda na Uganda mu rwego rwo kwigira hamwe uburyo bwo guteza imbere ibikorwa by’uyu Muryango.

Mbere y’uko Muthuki yakirwa na Perezida Kagame, yabanje kugirana ibiganiro na Minisitiri w’Ububanyi n’Amahanga w’u Rwanda, Vincent Biruta, wari kumwe n’Umunyamabanga wa Leta muri Minisiteri y’Ububanyi n’Amahanga, Ushinzwe Ibikorwa by’Umuryango wa Afurika y’Iburasirazuba, Nshuti Manasseh.

Muthuki ari kumwe na Martin Ngoga, Umuyobozi w’Inteko Ishinga Amategeko ya EAC, Nestor Kayobera ukuriye Urukiko rwa EAC, Umunyamabanga Mukuru Wungirije Ushinzwe guteza imibanire Christophe Bazivamo, ndetse n’Umujyanama wa EAC, Dr. Anthony Kafumbe.

Mu byagenzaga Muthuki harimo kumurika imigabo n’imigambi ye, dore ko uyu mugabo amaze ukwezi kumwe gusa ahawe izo nshingano, aho yiyemeje kuzamura 40% by’ubucuruzi bukorerwa muri EAC.

Muthuki kandi ari kugenzwa no gusobanurira abayobozi b’u Rwanda na Uganda, ibya dosiye yo kwemerera Repubulika Iharanira Demokarasi ya Congo na Somalia mu bihugu bigize uyu Muryango.

Mu bindi biri ku murongo w’ibigenza uyu Munyamabanga Mukuru, ni ugusura ibigo bya EAC biri muri buri gihugu birimo Komisiyo ya EAC igamije guteza imbere ubumenyi n’ikoranabuhanga, EASTECO, iri mu Rwanda, Ikigo Gishinzwe Guteza Imbere Imokoranire ya za Kaminuza mu bihugu bigize EAC, IUCEA, ndetse n’Ikigo Gishinzwe Kugenzura Umutekano w’Ikirere cya EAC, CASSOA, biri muri Uganda.

Perezida Kagame yakiriye Umunyamabanga Mukuru wa EAC n'itsinda yari ayoboye
Peter Muthuki yagiranye ibiganiro na Perezida Kagame
Martin Ngoga, Umuyobozi w’Inteko Ishinga Amategeko ya EAC yari mu itsinda ryakiriwe na Perezida Kagame
Perezida Kagame yahawe impano y'igishushanyo
Ubwo Muthuki Peter yasobanuriraga Perezida Kagame impano yahawe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .