Perezida Kagame yakiriye ku meza itsinda ry’Abagize Inteko Ishinga Amategeko ya Amerika

Yanditswe na IGIHE
Kuya 4 Ukwakira 2018 saa 05:11
Yasuwe :
0 0

Perezida Kagame na Madamu bakiriye ku meza itsinda ry’Abagize Inteko Ishinga Amategeko ya Leta Zunze Ubumwe za Amerika ryari riyobowe na Robert Goodlatte ukuriye Komite ishinzwe Ubutabera.

Uyu musangiro wabereye mu Ngoro y’Umukuru w’Igihugu muri Village Urugwiro.

Aba bagize Inteko Ishinga Amategeko ya Amerika bari mu Rwanda mu ruzinduko rw’iminsi ibiri rwahereye ku wa 2 Ukwakira.

Ruri muri gahunda yabo yo gusura ibihugu bitandukanye birimo u Budage, Botswana, Angola, Tunisia na Portugal.

Goodlatte yatoranyije u Rwanda nka kimwe mu bihugu byo gusura ashingiye ku buryo abona intambwe rwateye.

Iri tsinda ririmo abari muri Komisiyo zitandukanye nk’ubutabera, ubumenyi, isanzure n’ikoranabuhanga, ingengo y’imari, imisoro n’ububanyi n’amahanga.

Mu ruzinduko rwabo mu Rwanda, bahuye n’abayobozi batandukanye muri Guverinoma barimo Minisitiri w’Ingabo n’uw’Ububanyi n’Amahanga.

Perezida Kagame na Madamu mu ifoto y'urwibutso hamwe n'izi ntumwa z'Inteko Ishinga Amategeko ya Amerika
Uyu musangiro wabereye muri Village Urugwiro
Iri tsinda ryashyikirije Perezida Kagame impano

Amafoto: Village Urugwiro


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza