Kwamamaza

Perezida Kagame yakiriye indahiro z’abinjiye muri Guverinoma(Amafoto na Video)

Yanditswe kuya 6-10-2016 saa 16:40' na Cyprien Niyomwungeri


Perezida Kagame yakiriye indahiro z’abayobozi bashya binjiye muri Guverinoma barimo Minisitiri w’Uburinganire n’Iterambere ry’Umuryango, Nyirasafari Esperance n’Abanyamabanga ba Leta muri Minisiteri zitandukanye.

Uyu muhango wabereye mu Ngoro y’Inteko Ishinga Amategeko y’u Rwanda kuri uyu wa Kane tariki 6 Ukwakira 2016.

Nyirasafari Esperance wari Umudepite yarahiriye kuba Minisitiri w’Uburinganire n’Iterambere ry’Umuryango asimbuye Dr.Gashumba Diane wagizwe Minisitiri w’Ubuzima.

Harahiye kandi Umunyamabanga wa Leta muri Minisiteri y’Ubutabera Ushinzwe ibyerekeye Itegeko Nshinga n’andi mategeko, Uwizeyimana Evode; Munyeshyaka Vincent arahirira kuba Umunyamabanga wa Leta ushinzwe iterambere ry’abaturage muri Minisiteri y’Ubutegetsi bw’Igihugu.

Munyakazi Isaac, yarahiriye kuba Umunyamabanga wa Leta ushinzwe amashuri abanza n’ayisumbuye na ho Fulgence Nsengiyumva arahirira kuba Umunyamabanga wa Leta muri Minisiteri y’Ubuhinzi n’Ubworozi ushinzwe Ubuhinzi.

Mu ijambo rye ryo kwakira indahiro z’aba bayobozi, Perezida Kagame yashimiye abarahiye uyu munsi ababwira ko inshingano biyemeje zifite uburemere kuko zigamije kubaka amajyambere.

Yasabye abarahiye n’abandi bayobozi muri rusange gukorana n’abandi bagahora bashaka iterambere mu gihe gito kuko nta mpamvu yo guta igihe.

Yagize ati “Turusheho gukora neza, kwihutisha no kugerageza gukomeza guhindura ibintu bigorana.”

Yahwituye abayobozi bashya abasaba kwibuka ko intambwe bateye hari indi igomba kuyikurikira kandi bakamenya ko akazi katagabanutse.

Ati “Iyo ukora neza uhora ufite impungenge zo kugira ngo ibintu bidasubira inyuma cyangwa ngo bihore aho biri. Ni ugutekereza guhora tujya mbere.”

Umukuru w’Igihugu yasabye abayobozi gukomeza gufatanya n’abanyarwanda bubaka igihugu ngo babashe kubageza ku cyifuzo cy’amajyambere n’imibereho myiza.

Aba bayobozi barahiye bashyizweho na Perezida wa Repubulika tariki ya 4 Ukwakira 2016.

Munyakazi Isaac(ibumoso),Vincent Munyeshyaka,Fulgence Nsengiyumva, Uwizeyimana Evode na Nyirasafari Esperance
Fulgence Nsengiyumva, Umunyamabanga wa Leta muri Minisiteri y'Ubuhinzi n'Ubworozi ushinzwe Ubuhinzi arahira
Uwizeyimana Evode, Umunyamabanga wa Leta muri Minijust, ushinzwe ibyerekeye Itegeko Nshinga n’andi mategeko, arahira
Minisitiri w'Uburinganire n'Iterambere ry'Umuryango, Nyirasafari Esperance arahira
Minisitiri w'Ubutabera/Intumwa Nkuru ya Leta, Johnston Busingye na Minisitiri muri Peresidansi, Tugireyezu Venantie baganira
Minisitiri w'Uburinganire n'Iterambere ry'Umuryango, Nyirasafari Esperance aganira n'Itangazamakuru
Minisitiri w'Ubuzima, Dr Diane Gashumba
Umuyobozi w'Ikigo cy'Igihugu gishinzwe Iterambere, RDB, Francis Gatare ni umwe mu bagize Guverinoma
Minisitiri w'Uburezi, Dr Papias Musafili Malimba na Minisitiri w'Umuco na Siporo, Uwacu Julienne
Abasenateri batandukanye bari bitabiriye uyu muhango
Minisitiri w'Urubyiruko n'Ikoranabuhanga, Jean Philbert Nsengimana na Minisitiri w'Uburezi, Papias Musafili Malimba baganira
Abahagarariye amadini n'amatorero mu Rwanda na bo bari bitabiriye uyu muhango
Minisitiri w'Intebe, Anastase Murekezi, Perezida w'Umutwe w'Abadepite, Mukabalisa Donathille, Perezida Paul Kagame, Perezida wa Sena, Bernard Makuza na Perezida w'Urukiko rw'Ikirenga, Prof. Sam Rugege
Perezida Kagame n'Umuryango wa Munyakazi Isaac
Perezida Kagame na Munyeshyaka Vincent,Umunyamabanga wa Leta Ushinzwe Iterambere ry’Abaturage muri Minisiteri y’Ubutegetsi bw’Igihugu
Perezida Kagame n'Umuryango wa Munyeshyaka Vincent
Perezida Kagame na Fulgence Nsengiyumva

Amafoto:Luqman Mahoro


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved