Perezida Kagame yagiranye ibiganiro na mugenzi we wa Estonia (Amafoto)

Yanditswe na IGIHE
Kuya 18 Gashyantare 2018 saa 08:15
Yasuwe :
1 0

Perezida Kagame uri i Munich mu Budage aho yitabiriye inama yiga ku mutekano ku Isi, yahuye na mugenzi we wa Estonia, Kersti Kaljulaid, unaherutse gusura u Rwanda.

Ibiro by’Umukuru w’Igihugu, Village Urugwiro, byatangaje ko aba bakuru b’ibihugu byombi bahuye kuri uyu wa Gatandatu tariki ya 17 Gashyantare 2018 mu Mujyi wa Munich mu Budage ahari kubera inama yiswe ‘Munich Security Conference’ yiga ku mutekano mu bice bitandukanye by’Isi. Ntabwo higeze hatangazwa ibyo baganiriye.

Ibi biganiro bibaye nyuma y’uko tariki ya 16 Ugushyingo 2017, Perezida Kersti yasuye u Rwanda aturutse muri Ethiopia. Rwari uruzinduko rwe rwa mbere muri Afurika kuva yatorerwa kuyobora iki gihugu giherereye mu Majyaruguru y’u Burayi ku wa 10 Ukwakira 2016.

Icyo gihe byatangajwe ko igihugu cye kiri gushaka uko cyakwagura imikorere hamwe n’ibindi harebwa cyane ku hari amahirwe.

Umuyobozi uhagarariye inyungu za Estonia muri Kenya, Kadri Humal-Ayal, yatangaje ko igihugu cye n’u Rwanda bihuriye kuri byinshi kandi bifite amahirwe akomeye mu gukorana mu by’iterambere ryo gushaka ibisubizo hakoreshejwe ikoranabuhanga n’imikoreshereze y’ikoranabuhanga muri gahunda za Leta kimwe no mu zindi gahunda.

Estonia iherereye mu Majyaruguru y’u Burayi, ifite ubuso bwa kilometero kare 45,336, ikaba ituwe n’abaturage 1,294,455 nk’uko ibarura ryo mu 2011 ribigaragaza.

Iza mu bya mbere mu bihugu byo mu Majyaruguru y’u Burayi mu mikoreshereze y’ikoranabuhanga muri gahunda zitandukanye.

Perezida Kagame aganira na mugenzi we wa Estonia, Kersti Kaljulaid
Perezida Kagame aganira na mugenzi we wa Estonia, Kersti Kaljulaid
Perezida Kagame yanaganiriye na Minisitiri w'Imari mu Budage, Gerd Müller

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza